Өмнөд Солонгосын алдарт BTS хамтлаг үйл ажиллагаагаа зогсоох эсвэл тарах эсэх тухай хэд хэдэн удаа бодож үзсэн гэж ахлагч RM ярьжээ. Тус хамтлагийн бүх гишүүн цэргийн алба хаасан тул ирэх жил бүрэн бүрэлдэхүүнээрээ эргэн ирэлт хийхээр бэлтгэж байгаа юм. RM хэлэхдээ хамтлагийн шинэ цомгийн бэлтгэл ажил сайн явагдаж байгаа гэжээ.
Тэрбээр “Weverse” дээр шууд дамжуулалт хийхдээ “Тарах эсвэл үйл ажиллагаагаа зогсоох нь сайн шийдвэр эсэх талаар олон арван мянган удаа бодож үзсэн. Энэ багийг авч явж байгаа зүйл бол бидний бие биеэ гэсэн сэтгэл болон энэхүү шууд дамжуулалтыг үзэж буй хүмүүсийн хайр, хүндлэл. Цомгийн бэлтгэл ажил хийгдэж байгаа. Өдөр бүр контент хийж, бэлтгэл ажил явуулж байна. Бэлтгэл ажлаа сайн хийсний дараа та бүхэнд үзүүлнэ” хэмээсэн байна.
Эх сурвалж: Yonhap News
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.