Дархан-Уул аймгийн Дархан сумын 15-р багт өнөөдөр 10:00 цагийн үед жолооч Г цахилгааны тулгуур мөргөж, хугалжээ. Үүний улмаас 6 кВт-ын цахилгаан дамжуулах агаарын шугам тасарч, тус сумын Мангирт, Батальон, Их сургуулийн гудамжны 868 айл өрх, аж ахуйн нэгж цахилгаангүй болсон байна.
Тус аймгийн Замын цагдаагийн тасгийн цагдаа уг жолоочийг шалгахад эрүүл, согтууруулах ундаа хэрэглээгүй байсан гэнэ. Уг жолооч нойрмоглосны улмаас осол гаргасан гэж мэдүүлжээ. Тэрээр шөнийн цагаар нойроо хугаслан, зорчигч тээвэрлэх үйлчилгээ эрхэлдэг юм байна. Өнгөрсөн шөнө таксины үйлчилгээнд яваад, гэртээ харих гэж явсан байна.
Замын цагдаагийн тасгаас түүнийг Зөрчлийн тухай хуулийн дагуу 100 мянган төгрөгөөр торгож, “Дархан, Сэлэнгийн цахилгаан түгээх шугам сүлжээ” компанид учруулсан хохирлыг төлж барагдуулах үүрэг өгчээ.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Tolj barahgui orond orjee. Aimaar ondor tolbor gardag. Huvi hun tolj diileheergui ih hohirol garna. Tolj chadahgui orond orood amia horlodog. Busad orond.