Архангай аймгийн Ихтамир сумын Хөхнуур багийн нутаг дэвсгэр “Хойд гол” гэх газарт ойн түймэр энэ сарын 9-нд гарсан талаар ОБЕГ-аас мэдээлсэн билээ.
Уг дуудлага тухайн өдрийн 18:50 цагт аймгийн Онцгой байдлын газарт ирсэн байна. Дуудлагын дагуу аймгийн Онцгой байдлын газрын Эрэн хайх, аврах салбарын алба хаагчид, Ихтамир сумын Мэргэжлийн анги, “Хангай нурууны байгалийн цогцолборт газар”-ын хамгаалалтын захиргааны ажилтнууд болон орон нутгийн иргэд түймрийг унтраахаар ажилласан юм. Тэгвэл тус ойн түймрийг 3 дугаар сарын 11-ний өдрийн 10:20 цагт цурманд оруулж, 3 дугаар сарын 12-ны 08:25 цагт бүрэн унтраасан байна. Урьдчилсан байдлаар 350 орчим га талбай түймэрт өртсөн гэж эх сурвалж мэдээллээ.
Г.МИШЭЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.