Сэтгүүлч, орчуулагч СГЗ Г.Аким тэнгэрт дэвшжээ

“Зуун жилийн ганцаардал” номыг орчуулснаар нь бидний эчнээн танил, сэтгүүлч, орчуулагч Г.Аким тэнгэрт дэвшжээ. Тэрээр 1942 онд Дорнод аймгийн Матад сумын "Тэмээт" гэдэг газар, өөлд ястан, дунд сургуулийн багш Готовын хүү болон мэндэлж байжээ.

Г.Аким нь,

• 1961-1966 онд Улсын Багшийн дээд сургуульд сурч орос хэл, утга зохиолын анги төгссөн,
• 1966-1969 онд УБДС-д орос хэл, утга зохиолын багш,
• 1969-1990 онд "Энх тайван, социализмын асуудал" сэтгүүлд орчуулагч, редактор,
• 1990-1991 онд МОНЦАМЭ агентлагийн сонин сэтгүүлийн ерөнхий эрхлэгч,
• 1990 рны 9-р сараас 2000 онд “Ил товчоо” сониныг санаачилж Ерөнхий эрхлэгч,
• 2000-2005 онд "Соёл эрдэм" дээд сургуулийн гүйцэтгэх захирал,
• 2005-2010 онд Үндэсний номын сангийн захиралаар тус тус ажиллаж байсан юм.

Тэрээр монголд чөлөөт хэвлэлийг хөгжүүлэхэд хувь нэмэр оруулахын сацуу дэлхийн олон арвин ном бүтээлийг эх хэлнээ хөрвүүлсэн нэгэн. Тухайлбал, “Цаазын тавцан”, “Ундаассан бурхад”, “Шашдирын чуулган”, "Аранзал даруулт хөлөг” зэрэг бүтээлүүдийг орос, англи хэлнээс орчуулсан. Түүнчлэн “Тэнгэрийн нохой”, “Туульс хайлдаг уулс”, “Монголын нууц товчооны нууцлагдсан газар усны товчоон” тэргүүт өөрийн туурвисан бүтээлээ бидэнд үлдээсэн юм.

Б.АЗЖАРГАЛ

Өөрийн сэтгэгдлээ илэрхийл

Share Tweet