Хөгжлийн бэрхшээлтэй иргэдэд олгодог тэтгэмж болон тэдний асран хамгаалагчдад олгодог мөнгөн тэтгэмжийг нэмэхийг шаардаж эхэлсэн. Тэгвэл Монголын тэргэнцэртэй иргэдийн үндэсний холбооноос "Бидэнд жагсах үнэхээр хүнд, өвдөх цаашлаад амь насаа ч алдах эрсдэлтэй тул бүгдээрээ цахим орчныг ашиглан тэмцье" гэжээ.
Түүнчлэн хөгжлийн бэрхшээлтэй иргэд нэрээ нууцлан цахим орчинд захидал илгээгээд эхэлжээ. Мөн УИХ-ын гишүүдийн утасны дугаар болон цахим хаяг руу өөрсдийн санал хүсэлтээ явуулахыг уриалсан байна. Монголын тэргэнцэртэй иргэдийн үндэсний холбоонд ирсэн хөгжлийн бэрхшээлтэй иргэдийн захидлыг хүргэж байна.
- Халамжийн тэтгэмж авдаг ХБИ Сайн байна уу, би таны тойргийн ХБИ байна. Би халамжийн тэтгэмж болох ₮397,0 авдаг. Миний тэтгэмжийг 6% нэмэх санал бол бодит амьдралд нэг өдрийн хүнсний өртөгтэй л тэнцэж байна. Энэ бол нэмэгдэл биш, доромжлол шиг санагдаж байна. Тэтгэмжийг дор хаяж 24% нэмэгдүүлэх саналыг дэмжиж өгөөч. Хүндэтгэсэн (нэр)
- Асран хамгаалагч нар Сайн байна уу Гишүүнээ, Би танай тойргийн сонгогч, ХБ-тэй гэр бүлийн гишүүнээ асарч буй иргэн байна. Асран хамгаалагчид сард олгогддог 302,000₮-н тэтгэмжээр амьдралд хүрэлцэхгүй байна. Хөдөлмөр эрхлэх боломж маань хязгаарлагдмал. Асран хамгаалагчийн тэтгэмжийг бодит өртөгт нийцүүлэн нэмэгдүүлэх шийдвэр гаргаач. Бид хүнд амьдралдаа биш, хүний эрхтэй амьдрах боломжид хүрэхийг хүсэж байна. Хүндэтгэсэн: (Нэр)
- Нийгмийн даатгалын сангаас тэтгэвэр авдаг ХБИСайн байна уу, би таны тойргийн хөгжлийн бэрхшээлтэй иргэн байна. ₮572,000-ийн тэтгэвэр нь миний нэг сарын хүнс, хувцас, эмчилгээний зардлын аль ч хэрэгцээг хангахгүй байна. Хөгжлийн бэрхшээлтэй хүн бол “халамж хүртэгч биш” — “эрх бүхий Монгол Улсын иргэд ”. Тэтгэвэр, тэтгэмжийн суурь хэмжээг бодит өртөгт нийцүүлэн нэн яаралтай нэмэгдүүлэх саналыг дэмжиж өгөхийг хүсье.Хүндэтгэсэн: (Нэр)
- ХБХ-ний эрхийг дэмжигч иргэнСайн байна уу? Би ХБХ-ний эрх, нэр төр, амьдрах боломжийг дэмждэг, танай тойргийн иргэн байна. Одоогийн ₮572,000 тэтгэвэр нь ХБХ-н сарын хүнс, эмчилгээ, зайлшгүй хэрэгцээг хангах боломжгүй. Иймээс тэдний тэтгэвэр, тэтгэмжийг нэмэгдүүлэхэд Таныг идэвх санаачлагатай оролцоно гэдэгт найдаж байна. ХБХ-н хэрэгцээг хангаж чадсан нийгэм л бусад бүх иргэнийхээ амьдрах орчныг сайжруулж чаддаг гэдгийг онцлон тэмдэглэмээр байна. Баярлалаа.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.