Орхон голд живсэн иргэдийн цогцос ОХУ-аас олдсон байна. Тодруулбал, Сэлэнгэ аймгийн Сүхбаатар сумын харьяат иргэн 70 настай эрэгтэй А, 64 настай эрэгтэй С нар өнгөрсөн наймдугаар сарын 18-нд Орхон голын усанд сэлэх гэж ороод живсэн.
Усанд осолдсон иргэдийг эрэн хайх ажлыг өнгөрсөн наймдугаар сараас энэ сарын 4 хүртэл үргэлжлүүлж, ар гэрийнхнийх нь зөвшөөрлөөр эрлийн ажиллагааг зогсоосон билээ. Тэгвэл өчигдөр /2020.10.15/ ОХУ-аас осолдсон иргэдийн цогцсыг хүлээлгэн өгсөн байна.
Хилийн цэргийн 0101 дүгээр анги, Хилийн мэргэжлийн хяналтын албаны байцаагч, Зооноз өвчин судлалын төвийн ажилтнууд, Цагдаагийн алба хаагч, ар гэрийнхэн цогцсыг хүлээн авах, таниулах ажиллагааг зохион байгуулжээ.
Г.ЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.