НИЙГЭМ

Цагдаагийн албан хаагч хүний амь аварчээ

Хүйтний улирал эхэлсэнтэй холбоотойгоор иргэд, олон нийтийг ахуйн болон бусад гал түймрийн аюулаас урьдчилан сэргийлэхийг Цагдаагийн байгуудлагаас сэрэмжлүүлж байна.

Сонгинохайрхан дүүргийн цагдаагийн хоёрдугаар хэлтэст аравдугаар сарын 30-ны орой 22:09 цагийн үед Сонгинохайрхан дүүргийн 24 дүгээр хороо Баянхайрханы наймдугаар гудамжны 08 тоотод айлын байшин шатаж байна гэх дуудлага мэдээлэл иржээ. Дуудлагын дагуу хоёрдугаар хэлтсийн эргүүлийн офицер, цагдаагийн дэслэгч А.Энхцолмон, эргүүлийн цагдаа жолооч цагдаагийн ахлах ахлагч Х.Батбаяр нар 22:11 цагт түргэн шуурхай очиж цоожтой орох боломжгүй байсан байшингийн цонхыг хагалан орж, ухаангүй байсан иргэн Б-г гаргаж анхан шатны тусламж үзүүлэн хүний алтан амь эрсдэхээс урьдчилан сэргийлж хуулиар хүлээлгэсэн үүргээ биелүүлэн ажилласан байна. Иймд та бүхэн санамсар болгоомжгүй байдал, угаарын хий болон бусад ахуйн нөхцөлд үүсэж болох галын аюулаас амь нас, эд хөрөнгөө урьдчилан хамгаалахыг Цагдаагийн байгууллагаас анхаарууллаа.

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button