Баянзүрх дүүргийн эмнэлэгт хэвтэж байсан иргэнээс коронавирус илэрч, PCR шинжилгээнийх нь хариу гарч, халдвартай гэдэг нь баталгаажсан талаар өчигдөр мэдээлсэн. Эх сурвалжийн мэдээлж буйгаар уг иргэн 18 настай эмэгтэй хүүхэд бөгөөд ХӨСҮТ-ийн Сүрьеэгийн тасагт очсон. Эгч нь тэнд ариутгагч хийдэг гэх мэдээлэл байна. Тэгэхээр ХӨСҮТ-ийн голомтоос халдвар авсан байж болзошгүй байгаа аж.
Зарим эх сурвалжийн мэдээлж буйгаар уг иргэн Баянзүрх дүүргийн эмнэлэгт хэвтээд гарсныхаа дараа хорооныхоо өрхийн эрүүл мэндийн төвөөр үйлчлүүлж, түргэвчилсэн шинжилгээ өгөхдөө халдвар авснаа мэдсэн байж болзошгүй байна.
Тиймээс өрхийн эмнэлгээс гадна хэвтээд гарсан Баянзүрх дүүргийн эмнэлгийн тусгаарлан хамгаалалтад авчээ. Улмаар хавьтал болсон бүх хүмүүсийг шинжилгээнд хамруулж эхэлсэн юм байна. Үүнээс харвал тухайн иргэн халдвар аваад хэр удсан нь тодорхойгүй, явсан маршрут ихтэй байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.