Л.Мөнхтүшиг:Франкфуртад үлдсэн халдвартай эмэгтэйг гэртээ байлгаж буй иргэнд талархал илэрхийлье
ЭМЯ-ны мэдээллийн үеэр ГХЯ-ны Консулын газрын дарга Л.Мөнхтүшиг мэдээлэл өглөө.
Тэрбээр "Өнгөрсөн хугацаанд бид 27729 иргэнийг эх оронд нь авч ирээд байна. Энэ сард дөрвөн удаагийн нислэгээр 542 иргэн ирсэн. Үндсэндээ энэ онд хийгдэх тусгай үүргийн нислэгүүд дуусч байна.
Өнөөдрийн байдлаар эх орондоо ирэх хүсэлтэй 2000 орчим иргэн нутаг буцах хүсэлт гаргаснаас 1500 орчим нь БНСУ-аас ирэх хүсэлтэй байна.
Коронавирусийн халдвартайн улмаас онгоцонд суулгаагүй монгол иргэний асуудлаар цахим орчинд маш олон ташаа мдээлэл гарсан. ГХЯ, ЭСЯ-наас тухайн хүний хувийн нөхцөл байдлыг хүндэтгэж байсан учраас дэлгэрэнгүй мэдээлэл хийхгүй байсан гэдгийг хэлье.
Тухайн иргэнд сайн дураараа тусалж, гэртээ байлгаж байгаа нэрээ нууцлахыг хүссэн иргэндээ талархаж байгаагаа илэрхийлье. Тухайн иргэнийг Чех рүү буцаагаад, дараагийн нислэг хүртэл байлгахаар болсон. Үүнийг ч тухайн иргэн зөвшөөрсөн” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.