Д.Анхтуяа: Өглөөнөөс хойш ХАНХЫН эмнэлэгт 36 дуудлага ирж, 42 хүн эмнэлэгт үзүүллээ
Өнөөдөр 05.32 минутын орчимд Хөвсгөл аймгийн Ханх суманд 6.5 магнитуд хүчтэй, газар хөдөлж, сургуулийн болон ЗДТГ-ын байрны хана8 малчдын хаалга цуурч, аяга, таваг хагарсан талаар мэдээлсэн. Сумын Засаг дарга Л.Даваабаяр хэдий хэр хэмжээний хохирол учирсныг тооцоолоогүй, хүний амь эрстээгүй гэсэн мэдээллийг бидэнд өгөөд буй. Харин айж түгшсэн иргэд дуулга их өгч, сумын эмнэлэг ачаалал ихтэй байгаа аж.
Иймд бид тус сумын эрүүл мэндийн төвийн дарга Д.Анхтуяатай холбогдлоо.
Тэрбээр “Дуудлага маш их ирж байна. Өглөөнөөс хойш эрүүл мэндийн төвд 36 дуудлага ирлээ. Дуудлагын эмч маань дуудлагад гарсан байна. Мөн одоогийн байдлаар амбулаториор 42 хүн үйлчлүүлсэн байна. Дуудлага өгч, эмнэлэг дээр ирж байгаа иргэдийн ихэнх нь зүрх судасны өвчтэй, архаг хууч өвтэй хүмүүс байна. Мөн хүүхдүүд ч байна. Сая л гэхэд дөрвөн минутын өмнө далай чичирхийллээ. Иргэд их айж түгшсэн байна” гэсэн юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.