ХӨВСГӨЛ: Өнөөдөр энд газар хөдлөлтийн дамтамж 200 гаруй удаа бүртгэгдээд байна
Хөвсгөл аймгийн Ханх суманд газар хөдөлж, одоо ч чичирхийлсээр буйтай холбогдуулан Аймгийн Онцгой комисс хуралдаж байна.
Улаанбаатарын цагаар 2021 оны нэгдүгээр сарын 12-ны өдрийн 05 цаг 32 минут 55 секундэд Хөвсгөл аймгийн Ханх сумаас баруун урд зүгт 26 километрын зайнд магнитуд нь 6.5 магнитуд хүчтэй газар хөдлөлт болсон билээ.
Энэхүү газар хөдлөлттэй холбоотой аймгийн Засаг даргын шийдвэрээр холбогдох байгууллагуудаас бүрдсэн ажлын хэсэг ажиллаж тус газар хөдлөлтөөс үүссэн хор уршиг, эрсдэлийг тодорхойлж дүнг танилцуулав.
Хөвсгөл аймгийн хэмжээнд өглөөнөөс хойш, 15.00 цагийн байдлаар газар хөдлөлт 200 гаруй удаа бүртгэгдсэнийг хэлэв.
Мөн аймгийн Засаг даргын урилгаар Монголын ШУА-ийн Одон Орон, Геофизикийн Хүрээлэнгийн захирал Доктор С.Дэмбэрэл цахимаар холбогдож Онцгой комиссын гишүүдэд мэдээлэл өглөө.
Г.ЖАРГАЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.