Нийгмийн

БЗД-ийн II хорооны нийтийн байрнаас ЕСӨН иргэн халдвар авчээ

Баянзүрх дүүргийн II-р хорооны IV, V дугаар хэсэгт Ковид 19 цар тахлын голомтлон тархах нөхцөл байдал үүсэж, 2021.01.24-ний өдрийн 06:00 цагаас 2021.01.25-ны өдрийн 22:00 цаг хүртэл хязгаарлалтын дэглэм тогтоох БЗД-ийн засаг даргын захирамж гарлаа.

Энэ дагуу хамгаалалтын  арга хэмжээ тогтоогоод байна. Дурдсан хугацаанд тухайн хэсгийн иргэдийг шинжилгээнд хамруулах юм байна. Тус хэсэгт амьдардаг, 18-аас дээш насны иргэд өнөөдөртөө багтан хорооныхоо Иргэний танхимд очиж, шинжилгээнд хамрагдахыг уриалж байна. 

Халдвар гарсан хэсэг нь Сансар орчмоос Дарь-Эх рүү эргэдэг замын уулзвар хэсэгт байх Нийтийн байр юм байна. Тус нийтийн байранд 20 орчим иргэн амьдардаг бөгөөд тэдний 9-өөс нь халдвар илрээд байгаа аж. Тиймээс нийтийн байрны орчмын IV, V-р хэсэгт бүхэлд нь хязгаарлалт тогтоолоо.

IV, V-р хэсэг нь 400 орчим өрх айлтай, 1800 орчим иргэнтэй. Тэдний 1200 орчим нь 18-аас дээш насныхан бөгөөд тэднийг өнөөдөртөө багтан шинжилгээнд хамруулж, маргааш хариу нь эцэслэн гарахаар тооцон, хязгаарлалт тогтоосон байна.

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

Нэг сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button