“Эхийн алдар" одонтой ээжүүдийн тэтгэмжийг жилд нэг удаа, "Насны хишиг"-ийг 65-аас дээш насны ахмадуудад жилд хоёр удаа олгодог.
Энэ жилийн хувьд халамжийн системээс олгож буй мөнгийг иргэд өмнө нь банкан дээр очиж авдаг байсан бол одоо бүгдийг нь дансанд холбосон аж. Өөрөөр хэлбэл иргэд дансныхаа мэдээллийг Ehalamj.mn сайтаар орж баталгаажуулснаар тэтгэмжийн мөнгө шууд данс руу нь орохоор болсон байна.
Улсын хэмжээнд одоогоор "Насны хишиг" авдаг 140 мянга орчим ахмад настан, "Алдарт эхийн одон"-гийн тэтгэмж авдаг 220 мянга гаруй ээж байдаг бөгөөд хоёрдугаар сарын 9-ний өдөр буюу ирэх долоо хоногийн мягмар гарагт дансанд нь мөнгө нь орж эхлэх юм байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.