Эрүүл мэндийн яамнаас цаг үеийн асуудлаар мэдээлэл хийлээ. Мэдээллийн үеэр Эрүүл мэндийн яамны Эмнэлгийн тусламжийн бодлого, хэрэгжилтийг зохицуулах газрын дарга Б.Буянтогтох мэдээлэл өгөв. Тэрбээр:
“Халдварын тохиолдол нэмэгдэхийн хэрээр хүнд, хүндэвтэр, маш хүний тоо өмнөх сараас 28 хувиар өссөн үзүүлэлттэй байна. Үүнээс шалтгаалан эмнэлгийн эмч ажилчдын хомсдолд хүргээд байгаа юм. Үндсэн эмч нараас гадна резидэнт эмч нарыг дайчлаад байгаа ч энэ нь хангалттай биш байна. Одоо илэрч байгаа халдварууд хөл хорионоос өмнө авсан тохиолдлууд юм. Хүн бүрийн хажууд халдвар байгаа гэдгийг сайн санах хэрэгтэй. Яг энэ хөл хорионы 14 хоногт халдварыг барьж чадахгүй. Энэ сарын сүүлээр нэг ширхэг уушги орлуулах аппаратыг авахаар болсон бөгөөд ингэснээр улсын хэмжээнд нийт гурван ECMO /Extracorporeal membrane oxygenation/ аппараттай болох юм. Амьсгалын аппаратын хүрэлцээ хангалттай ч түүнийг нь ажиллуулдаг хүний нөөцийн хомсдолд орсон. Эрчимт эмчилгээний орноос 2-3 дахин их амьсгалын аппарат бэлэн байна” гэв.
О.ЭНЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.