Өнөөдрийн Засгийн газрын хуралдаанаас хатуу хөл хориог дахин 14 хоногоор сунгах шийдвэр гаргасан. Энэ талаар Засгийн газраас мэдээлэл хийлээ.
Энэ үеэр Эрүүл мэндийн сайд С.Энхболд “Хоёр, гурав, дөрөвдүгээр сард бүртгэгдсэн тохиолдлуудын сорьцыг Япон, Солонгос руу явуулсан. Хариу хараахан ирээгүй байна. Явсан сорьцуудаас мутацид орсон вирус илэрч, батлагдвал тухайн үед нь мэдээлнэ” гэв.
Мөн энэ үеэр ХӨСҮТ-ийн захирал Л.Баттөр цаг хугацаа хэмнэх үүднээс PCR шинжилгээнд суурилсан мутаци илрүүлэх шинжилгээ хийж үзсэн тухай мэдээллээ.
Тэрбээр “33 сорьц хамруулснаас Турк улсаас ирсэн гурван иргэнээс Их британи хувилбар байна гэсэн урьдчилсан судалгааны үр дүн гарсан.
Энэ хүмүүс Турк улсаас ирээд ХӨСҮТ-д 10 орчим хоног эмчлүүлж байгаа. Мөн олон нийт дундаас хүнд мутац хэлбэр гарсан. Бусад хүмүүс нийтлэг хэлбэрүүд илэрсэн. Тиймээс хүн амын дунд өргөн тархсан гэж хэлэх үндэслэлгүй. Манай мэргэжилтнүүд ирж эцсийн баталгаатай хариуг хэлнэ” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Өөрсдөө хийж сурч яагаад болдоггүй юм бэ?. Дандаа л тэндээс эндээс авлаа. Тэнд энд шинжлүүлэхээр боллоо гэх юм аа.