Ким Жон Ун Өмнөд Солонгос дуу кино зарсан хэргээр иргэнээ буудлагын багаар гэр бүлийнх нь өмнө цаазаар авсан талаар эх сурвалжууд мэдээлжээ. Гадаад дуу, кино худалдаж байсан Ли овогтонг Ганвон аймгийн төв Вонсанд баривчлан 40 өдрийн дараа 500 хүний өмнө буудаж цаазаар авсан аж.
Тэрбээр Вонсаны тариалангийн менежментийн комиссод инженерээр ажилладаг байжээ. “Daily NK”-д мэдээлснээр түүнийг албан тушаалтнууд Өмнөд Солонгос бичлэг худалдсанаараа социалист бус үйлдэл хийсэн гэж буруутгасан аж. Умард Солонгосын албан тушаалтнууд тус явдлыг “Ганвон аймагт социалист бус үйлдлээр яллан цаазаар авсан анхны тохиолдол” хэмээжээ. Өмнө нь социалист бус үйлдэл хийсэн хүнийг дахин боловсрол олгох байгууллага руу явуулдаг байсан ч өнгөрсөн жил батлагдсан хуулиар түүнийг цаазаар авсан байна.
Лигээс гадна 20 гаруй хүнийг Өмнөд Солонгос дуу, кино зарсан хэргээр баривчлан шүүж байгаа аж. Умардад социалист бус үйлдэл хийж байгааг мэдсэн хирнээ албан тушаалтнуудад мэдээлээгүй хүмүүст долоо хүртэлх жилийн хорих ял оноодог талаар эх сурвалж хэлжээ.
Эх сурвалж: Daily Mail
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Өөрөө баруунд боловсрол эзэмшиж барууны коньяк авчирч уудаг байж тэнэг гар вэ
Өөрөө гадныхнаас хангамжаа авдаг биш билүү
Muuhai amitan.
Хойд со-д Хүүк байсан бол яаж ирваатах бол
энэ гахайг