БНХАУ “H10N3” ханиадны анхны тохиолдол бүртгэн авчээ
Хятадын эрүүл мэндийн үндэсний хороо Жиангсу мужид оршин суудаг 41 настай эрэгтэй “H10N3” шувууны ханиад туссан гэдгийг мягмар гарагт (2021.06.01) мэдээлжээ. Халдвар авсан эрэгтэй Женжян хотод амьдардаг бөгөөд халуурах гэх мэт шинж тэмдэг үзүүлсний улмаас дөрөвдүгээр сарын 28-нд эмнэлэгт хэвтсэн байна.
Түүнийг тавдугаар сарын 28-нд “H10N3” ханиадны вирусийн халдвар авсан хэмээн оношилжээ. “H10N3” вирус нь эмгэг төрүүлэх чадвар багатай, мөн томоохон халдвар үүсгэх магадлал бага. Халдвар авсан эрэгтэйн ойрын хавьтал дундаас “H10N3” ханиадны тохиолдол илрээгүй аж. Түүний биеийн байдал тогтвортой болсон тул эмнэлгээс гарахад бэлэн байгаа юм.
Өмнө нь 2016-аас 2017 оны хооронд дэгдсэн “H7N9” шувууны ханиадны халдвараас болж 300 хүн нас барсан байна. Түүнээс хойш шувууны ханиадны томоохон халдвар дэгдээгүй аж.
Эх сурвалж: Reuters
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.