Коронавирусийн халдварын тархалт нэмэгдэж байгаатай холбогдуулан Архангай аймгийн хэмжээнд зарим үйл ажиллагааг хориглох шийдвэр гаргажээ. Тодруулбал,
- Олон хүн төвлөрсөн арга хэмжээ болох хурал, цуглаан, уулзалт,
- Аливаа баяр ёслол тэмдэглэх,
- Хурдан морь уралдуулах,
- Одонгийн найр болон овооны наадам,
- Хурим, хүүхдийн үс, баяр наадам хийх,
- Цахир суман дахь Гэсэр багшийн шүтээнд мөргөх,
- Сургалт зохион байгуулах
- Соёл, урлагийн уралдаан тэмцээн,
- Баар, ресторан, караоке,
- Хүүхдийн тоглоомын газар,
- Рашаан сувилал, жуулчны баазын үйл ажиллагаа,
- Аялал, зугаалга хийх,
- Нэг дор 5-аас дээш хүн төвлөрсөн арга хэмжээ зохион байгуулахыг 2021 оны зургадугаар сарын 16-ны өдрийн 09:00 цагаас зургадугаар сарын 30-ны өдрийн 20:00 цаг хүртэлх хугацаанд аймаг, сумдын хэмжээнд хориглов.
Вакцины бүрэн тунд хамрагдаж 14 хоносон иргэд
- Хүндэтгэн үзэх шалтгаанаар эрүүл мэнд, буяны ажил, хүнс, ачаа тээвэрлэх иргэдээс PCR-ын шинжилгээний сөрөг хариуг үндэслэн зорчих хөдөлгөөн хийхийг зөвшөөрөв.
- Дээр дурдсанаас бусад шалтгаанаар аймаг, сум, хот хооронд зорчих хөдөлгөөн, Улаанбаатар хот, бусад орон нутгаас ирэх, явах нийтийн тээврийн хэрэгслийн хөдөлгөөнийг хаав.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.