Ховд аймагт энэ оны наймдугаар сарын 06-08-ны өдрүүдэд баруун бүсийн даншиг наадам болох юм. Наадамд оролцох уяачид, 100,000 төгрөгийн хураамж төлж байгаа аж. Өөрөөр хэлбэл, хоёр насны морь сойж буй уяач 200,000 төгрөгийн хураамж төлөх ажээ. Энэ асуудлаар Алтайн унага морин спорт уяачдын холбооны тэргүүн Б.Ерөөлтөөс Ховд.мн сайт тодруулга авч байна. Бид шууд дамжуулалтаас Б.Ерөөлтийн яриаг буулгалаа.
Тэрбээр “2017 онд Увсад болсон даншиг наадамд оролцож буй уяачдаас 100 мянган төгрөгийн хураамж авч байсан. Мөн 2019 онд Баян-Өлгий аймагт болсон уралдаанд уяачид хураамж төлж байсан. Уяачдын холбоо гэдэг чинь төрийн бус байгууллага шүү дээ. Гол санхүүгээ хураамжаас босгодог. Мөн төрийн чиг үүргийн байгууллагуудтай хамтарсан гэрээний дагуу төлбөрөө төлнө. Урьдын энэ жишгээ бариад явахаас өөр аргагүй” хэмээв.
Наадамд уралдах морьдын сэрвээний өндрийг хэмжиж байгаа аж. Морьдыг бүртгэхдээ унаач хүүхэд бүрээс түргэвчилсэн оношлуураар шинжилгээ авч байгаа юм байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.