Дэлхийн алдартай хөгжмийн зохиолч, хөгжимчин, дуучин Элтон Жон Дэлхийн аялан тоглолтоо 2023 он хүртэл хойшлуулав. Шалтгаан нь дуучин түнхний хагалгаанд орж, биеэ тэнхрүүлэх шаардлагатай болсон хэмээн “Ассошиэйтед Пресс” /Associated Press/ мэдээлжээ.
Өдгөө 74 настай тэрбээр Их Британи, Европ тивийн хэд хэдэн хотноо аялан тоглолт хийхээс гадна ирэх жил мөн аялан тоглолтоо АНУ-д үргэлжлүүлэхээр төлөвлөж байжээ.
Дуучин энэ зуны сүүлээр газарт бүдэрч унасны улмаас түнхэндээ бэртэл авсан.
“Эрчимжүүлсэн, нарийн мэргэжлийн эмчилгээ хийлгэсэн ч өвдөлт ер багасахгүй байгаа учраас хөдөлгөөн хийхэд хүндрэлтэй байгаа. Эргээд хуучин хэвэндээ орж, бүрэн эрүүл болохын тулд аль болох хурдан хагалгаанд орохыг надад зөвлөсөн” гэж Элтон Жон мэдэгджээ.
(Эх сурвалж: mignews)
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.