Өнөөдөр Эрүүл Мэндийн яамнаас коронавирусийн цар тахлын цаг үеийн дата мэдээллийг өглөө.
Сүүлийн 24 цагийн хугацаанд коронавируст халдварын 1566 тохиолдол бүртэгдсэн талаар ЭМЯ-наас мэдээлэв. Эдгээр тохиолдлууд бүгд дотоодын халдвар бөгөөд 1107 нь нийслэлд, 459 нь орон нутагт батлагдсан байна. Үүнээс харвал өдөрт батлагдсан тохиолдлын 70 хувь нь Улаанбаатарт бүртгэгдсэн байгаа юм.
Энэ хугацаанд бүх аймагт халдвар илэрсэн ба хамгийн олон тохиолдол Орхон, Хэнтий аймагт бүртгэгдсэн байна. Харин өвчний хүндрэлээр 21-ээс дээш насны 15 хүн энджээ. Ингэснээр коронавирусийн шалтгаант нас баралт 1392 боллоо. Харин өчигдрийн байдлаар 14 хүн уг өвчнөөр нас барсан юм. Ингэснээр хоёр өдөрт 29 хүнээ алдаж байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.