Нийгмийн

Л.Энх-Амгалан: Хүүхэд дээрэлхэж буй сурагчид хариуцлага тооцдог болгоё

Сургуулийн орчинд хүүхэд хүчирхийлэлд өртөж буй асуудлаар Боловсролын сайд Л.Энх-Амгалан өөрийн байр сууриа илэрхийллээ. Тэрбээр:

"Сургуулийн орчны хүчирхийлэл, хүүхдүүд нэгнийгээ хэрцгий зодсон явдал, Өвөрхангайн ахлах ангийн охин амиа алдсан хэрэг, Архангайн цэцэрлэгийн багшийн асуудал гээд энэ бүхнийг хэд хоног үзэн ядаад мартах уу. Бидэнд мэдэгдсэн нь ердөө л энэ. Үүний цаана нуугдмал хүчирхийлэл яаж өрнөж, ямар хэмжээний газар авсныг таашгүй.
Хариуцлага тооцдог газар нь тооцог гээд сайдын хувьд нуувчинд суух, өөрөөсөө холдуулах ёсгүй. Зөвхөн сайд гэдэг өнцгөөс үзэл бодлоо илэрхийлэх ч өөрөө учир дутагдалтай. Яагаад гэвэл би өөрөө эцэг хүн учраас бусад эцэг эхчүүдийн нэгэн адил өнцгөөс сургуулийн орчны хүчирхийллийг маш эмзэглэж хүлээж авсан. Боловсролын салбар нь боловсролынхоо ёс зүйн гажуудлыг өөрөө засах, хариуцлага тооцох ёстой боловч энэ эрх мэдэл аймаг, сум, дүүргийн засаг даргад, улстөрчийн гарт шилжсэн нь өөрөө гажиг тогтолцоо. Улстөрөөс хараат боловсролын салбар байх ёсгүй гэдэг хатуу байр сууринасаа ч ухрахгүй.
Сургуулийн орчны хүчирхийллийн асуудлыг ул сууриар нь гаргаж ирж, ул сууриар нь задалж, ул сууриар нь өөрчлөх цаг болсон. Өнөөдрийн судалгааныхаа барилыг өөрчилж, зөв тоотой болцгооё. Сурагчдын 38% нь сургуулийн орчны хүчирхийлэлд өртдөг гэдэг бол маш аймшигтай асуудал.Энэ асуудалд нийгмээрээ ухаалаг,эрүүл саруулаар дүгнэлт хийж, зөв, цогц шийдэл гаргаж, бодитой өөрчилье. Оройтож,алгуурлаж хэрхэвч болохгүй.
2017 онд Нийгмийн эрүүл мэндийн үндэсний төвийн хийсэн судалгаагаар ЕБС-ийн дөрвөн хүүхэд тутмын нэг нь амиа хорлох талаар боддог, долоон хүүхэд тутмын нэг нь амиа хорлохыг төлөвлөж байсан гэх сэтгэл сэрдийлгэм тоо баримтыг дэлгэж байв…!!!
Хүүхдийг ивээх сангийн УБ-ын 9 дүүргийн 6, 8, 10-р ангийн 11-16 насны 1,236 сурагчийг хамруулан хийсэн судалгаанд оролцогсдын 37.9% нь ямар нэг байдлаар дээрэлхүүлж доромжлуулсан,бие махбодын хүчирхийлэл хөвгүүдийн дунд, сэтгэл зүйн хүчирхийлэл охидын дунд илүү их гарч бна.!!!
ЮНЕСКО-оос гаргасан тайланд дурдсанаар дэлхий дахинд нийт сурагчдын 30 хувь нь сургуулийн орчинд дээрэлхүүлснээс үүдэн сурлагын амжилт нь буурч, сургууль завсардаж, мөн бие бялдар, сэтгэцийн эрүүл мэндээр хохирдог гэсэн дүгнэлт байдаг.
Багш хүүхдийн харилцаа, хүүхдүүд хоорондын харилцааны ан цав хаанаас, юунаас эхлэлтэй вэ. Хэт мөнгө шүтсэн нийгмийн гажиг тогтолцоо хүүхдүүдийн маань үг үйлдлээр илэрч байна уу. Багш цалингаа голоод хүүхдүүдийнхээ хүмүүжлийг ор тас орхисон уу, эцэг эхчүүд миний л хүүхэд зүгээр байвал бусдыг үл тоосон амиа бодох үзэл хүүхдүүдээр дамжиж илэрч байна уу, мэдээллийн эрх чөлөө нөлөөлөв үү.
Сайдын хувьд тушаал, шийдвэр гаргаад л энэ асуудал шийдэгдчих зүйл биш. Харин хандлагаа өөрчлөх нь гол сорил. Өнгөрсөн 30 жилд бүтэн хаягдсан сэдэв. Үргэлж нүднээс далд өрнөдөг, насанд хүрэгчид мэдэхгүй өнгөрдөг зүйл. Эцэг эхчүүд, асран хамгаалагчид хүүхдүүдтэйгээ харилцах, илэн далангүй ярилцах, хүүхдээ ойлгох тал дээр асар дутагдалтай болсон.
Асран хамгаалагч ба багш, багш ба сурагчид, мөн гурвалсан холбоог шинэ ойлголт, шинэ хандлага, шинэ хэлбэрээр хөгжүүлэх шаардлагатай боллоо. Эцэг эх, багш нар, салбарын яам, мэргэжилтнүүд ч өөрснөө боловсрох, танин мэдэх шаардлагатай. 2022 онд дараах чиглэлүүдийн ажлыг цаг алдалгүй эхлүүлье.
Сургуулийн орчны дээрэлхэлтийн хүрээнд хүүхдэд хүлээлгэх хариуцлагын тогтолцоог бий болгоё. Хөгжингүй орнуудад нутагшсан, сайн үр дүнтэй арга. Их сургуульд орох, олон нийтийн арга хэмжээнд оролцох, тэтгэлэг хүртэх гэх мэт боломжуудтай нь ярилцдаг буюу сурагчийн хувийн хэрэгтэй төстэй. Харин дээрэлхэлт гэдэг зүйлийг чухалчлан авч үзсэн загвар юм. Хүн болох багаасаа ирээдүйд нийгэмд биеэ даасан, хариуцлагатай иргэн болж төлөвших учиртай.
Мэргэжлийн сэтгэлзүйчидтэй хамтрах ажиллах замаар нийгмийн хандлагыг өөрчлөх талаар дорвитой арга хэмжээнүүд шаардлагатай. Дээрэлхүүлдэг болон дээрэлхэдэг хүүхдийн сэтгэлзүйг засах, хандлагыг өөрчлөх хэрэгтэй байдаг. Энэ хичээлийн жилээс сэтгэл зүйчдийг тусгай хөтөлбөрөөр бэлдэж 150 сургуульд ажиллуулж эхэлсэн. Ирэх жилээс Улсын хэмжээний бүх сургуульдаа сэтгэл зүйч ажиллуулах бэлтгэлээ хангаж байна. Богино хугацаанд үр дүн гарч байгаа.
Гэхдээ дан ганц сэтгэл зүйчид бүх зүйлийг залруулна гэдэг худлаа. Эцэг эх, багш нарын боловсрол, ойлголт, хандлагыг өөрчлөхөөс бүх ажил эхлэх учиртай гэж боддог. Энэ сэдвийн талаар нийгэмд өргөн дэлгэр ойлголтыг өгөх нь үр дүнтэй. Хүчирхийлэгч багш, хүчирхийлэгч эцэг эх, гэр бүлийн орчин, хүчирхийлэгч хүүхдүүд байгааг нуух ёсгүй. Үүнийг хүн бүр мэддэг. Тиймээс нийгмийн өмнө соён гэгээрүүлэх үүрэг хүлээсэн сэтгүүлч, нийгмийн зүтгэлтнүүд, инфлүинсэрүүд ч танин мэдэж, өөрчлөгдөх учиртай.
Энэ бүх эерэг хандлага, хүүмүүжлийн зөв ёс суртахуунд суралцахад сурагчид, хүүхдүүдийг өөрсдийг нь идэвхтэй оролцуулах арга замыг бий болгох ёстой. Харин эцэг эх, багш, сурагчид та бүхэн тусалж дэмжээрэй. Өөрийн тань хүүхэд хүчирхийлэлд өртөөгүй, орчин нь сайн байлаа ч гэсэн оролцоорой гэж хичээнгүйлэн хүсье.
Энэ талаар шинэлэг санаа шийдэлтэй багууд, сэтгэл зүйчид, нийгмийн зүтгэлтнүүд, инфлүнсэрүүдийг дэмжиж ажиллана. Энэ бол урт хугацаанд бугшсан асуудал бөгөөд нэг өдөр өргөс авсан юм шиг шийдвэрлэж чадахгүй. Гэхдээ бид ирээдүйн эд баялгаас илүүтэй ирээдүйд зөв хүн байх нөхцөл боломжийг үр хүүхдүүддээ бүрдүүлж өгөх нь бидний ирээдүйдээ оруулах хамгийн том хөрөнгө оруулалт байх болно” гэв.

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
10 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2021-12-05 19:00

zuitei

Багш
Багш
2021-12-05 19:13

Зөв, дэмжиж байна.

Уншигч
Уншигч
2021-12-05 19:21

Маш зөв, яар�##�тай ажил хэрэг болго, амжилт

Иргэн
Иргэн
2021-12-05 20:25

Зөв сан�##� санаачлага байна Багш сурган хүмүүжүүлэгчид эцэг эх боловсролын с�##�барын бүх шатны байгууллага хэвлэл мэдээлэлийн байгууллага ,хүүхдийн байгууллагууд төр засаг гээд бүгд л анхаар�##�аа хандуулж ажиллаж арга хэмжээ авч хэрэгжүүлэх нь чух�##� болно

Зочин
Зочин
2021-12-05 21:23

ЦАР ТАХАЛЫН ДАРААХ ХАРАНХУЙ ҮЕИЙНХЭН ЯМАР ХУРДАН ГАРЧ ИРНЭ ВЭ??? ӨСВӨР НАСНЫ ХҮҮХЭДҮҮД СҮРЭГЛЭН ЭНД ТЭНД ГЭГЭЭН ЦАГААН ӨДӨР ОЛНООРОО ЗОДООН ХИЙХ НЬ ИХ ХАРАГДАХ БОЛЖ. МӨН ОРЦОНД БАЙГАА ДЭЛГҮҮРҮҮДЭЭС ТОМ САВАЛГААТАЙ ПИВИЙГ ОЛНООР НЬ АВААД ХАРАНХУЙ ХҮЙТЭНД ГУДАМД СҮҮДРЭВЧИНД БӨӨГНӨРӨН УУЦГААЖ ОРИЛЖ ХАШГАРЧ ЯРИЛЦАХ НЬ ЦАР ТАХАЛААС ӨМНӨ ИХ ЦӨӨН Л БАЙДАГ БАЙСАН. ЭЛЕКТРОН ТАМХИ БҮР ЗАМАА АЛДСАН .ТҮҮНИЙГ АВЧ ЯВДАГГҮЙ ЭРЭГТЭЙ ХҮҮХЭД БАЙТУГАЙ ЭМЭГТЭЙ ХҮҮХЭД ХҮРТЭЛ АД ҮЗЭГДЭХ БОЛСОН ГЭХ СОНИН СОНИ Н ЗҮЙЛ СОНСДОХ БОЛЛОО.

Иргэн
Иргэн
2021-12-05 21:26

Маш зөв асууд�##�. Хүчирхийлэл дарангуйллын эх үүсвэр сургуульд бий болж байна.

Нутгийн иргэн
Нутгийн иргэн
2021-12-05 22:20

Тэгээд хийгээч. Чи ард түмний буянаар Их Хур�##�д 3 сонгогдож, дэд дарга, байнгын хорооны дарга хүртэл хийсэн. Одоо сайдыг нь хийж байна. Худлаа попрохоо боль.

zochin
zochin
2021-12-06 09:09

ter huuheduud yahav ee. yagaad ta tsetserlegiin huuhdiin surah bolomjiig haagaad tsetserleg amaraana geed bgaa ym be. Huuhded tsetserleg hamgaalah ayulgui bna.

Зочин
Зочин
2021-12-06 13:10

Яг үнэн. Багш нь ч тоохгүй, эцэг эх нь ч тоохгүй, хэнд ч хандаж болдоггүй. Дээрэлхүүлсэн хүүхдийн буруу болж дуу�####�г. Ирээдүйн рецетевүүдийг бага дээр нь хүмүүжүүлэх хэрэгтэй.

Зочин
Зочин
2021-12-06 13:10

Маш зөв шүү ерөнхий боловсролын сургууль их дээд сургууль �##�ь ч шатны сургуульд энэ дээрэлхэлтийг зогсоох хэрэгтэй.

Холбоотой мэдээ

Back to top button