УЛС ТӨР

Э.Бат-Үүлийн хорих ангиас бичсэн ЗАХИДАЛ

Өнгөрсөн долоо хоногт шүүхээс дөрвөн жилийн сонссон Монгол Улсын БААТАР Э.Бат-Үүл хорих ангиас захидал бичсэнийг бүрэн эхээр нь хүргэе.

"Ард иргэдийнхээ хүн ёсны эр зоригийг бүү мохоогоорой
Миний бие 2002 оны арваннэгдүгээр сард сүхбаатарын талбайд “Трактортой цуглаан” зохион байгуулсан юм. Тэр өдрөөс хойш 19 жилийн турш гэр хорооллын иргэдийн хашааны газрыг хамгаалахын төлөө тэмцэж иржээ. Энэ тэмцэл тун амаргүй тэмцэл байсан юм. Юу нь амаргүй байсан гэхээр нэг талаас гэр хорооллын иргэд өөрсдөө хашааных нь газар ямар их үнэ цэнэтэй хөрөнгө болохыг ойлгохгүй байсан. Нөгөө талаас тэдний энэ байдлыг нь ашиглаж хашааных нь газрыг үнэгүйдүүлж авах гэсэн олигархиудын заль мэх нь гүйцэгдэхгүй байлаа.

2002 оны тавдугаар сард Монгол Улсын иргэнд газар өмчлүүлэх тухай хууль, тус хуулийг хэрэгжүүлэх журмын тухай хуулиуд батлагдсан. Батлагдсан хуулийг хэрэгжүүлэх тухай тогтоолын төсөл УИХ-д орж ирэхэд эрх баригчид яагаад гэнэтхэн газар өмчлөх асуудлыг хуульчлах сонирхолтой болсны цаад санаа илэрсэн юм. Нийслэлийн Баянгол, Сүхбаатар, Чингэлтэй дүүргийн гэр хорооллын иргэдийн газраас өмчлөлийн төлбөр нэхэн,төлбөрөө эс төлбөл “Барилгажих талбай” нэрийдлээр хураахаар төлөвлөсөн байсан. Энэ төлөвлөгөөг гүйцэлдүүлэхийн тулд 2003 онд төвийн таван дүүргийн 11848 хашааны газартай айлыг, 61- ийн гарам, Жаргалант тосгон, Тахилт гэх мэт 18 байршилд 1271 га газарт шилжүүлэн нүүлгэж, суурьшуулах шийдвэр гаргаж байв.

Жил бүр ийм тооны айлыг хотын зах руу нүүлгэх тооцоотой ажиллаж байсан юм. Ийм хүний үнэргүй, чөлөөт ардчиллын үнэт зүйлүүдийг уландаа гишгэсэн шударга бус явдлыг хараад би Төв, Сэлэнгэ, Дорнод аймгийн тариаланчдын дэмжлэгтэйгээр гэр хорооллын иргэдийн эрх ашгийг хамгаалан, тракторын цуваагаар манлайлсан жагсаалтай Сүхбаатарын талбайд орж, эсэргүүцлийн цуглаан зохион байгуулсан.Тариаланчдын энэ тэмцлийн үр дүнд Улаанбаатар хотын гэр хорооллын иргэдийн хашаа “Газарт оролгүй” хамгаалагдаж үлдсэн. Гэр хорооллынхныг олигархиудын халдлагаас хамгаалсан жинхэнэ баатрууд бол “Газар” хөдөлгөөний тариаланчид билээ. Тухайн үед трактортай тэмцэлд гэр хорооллынхон минь идэвхтэй оролцоогүй, тэр цуглаанд ирээгүй нь харамсал төрүүлдэг.

Трактортой цуглаан хүчээ авна гэдгээс айсан олигархиуд гэр хорооллынхныг нүүлгэн шилжүүлж, хашааны газрыг нь авах санаархлаа зогсоосон ч гэр хорооллынхныг зүгээр орхиогүй. Тэд 2006 онд хашааны газрынх нь үнэ цэнийг унагааж үнэгүйдүүлэн авах шинэ арга руу шилжсэн юм. 2012 оны нийслэлийн сонгуулиар Ардчилсан Нам анх удаа ялж олонх болсон. Бидний хамгийн эхний ээлжинд гаргасан шийдвэрүүдийн нэг нь хотоос тогтоосон захиргааны үнээс хашааны газрыг чөлөөлж, газрын эзэд газраа чөлөөт үнээр хөрөнгө оруулагч талд худалдаж байх шийдвэр гаргасан. Улмаар хөрөнгө оруулах сонирхолтой компаниудыг гэр хорооллын дахин төлөвлөлтийн бүтээн байгуулалтын ажилд оролцуулсан. Энэ бүх арга хэмжээний үр дүнд хашааны газрын үнэ огцом өсч үнэт хөрөнгө болсон. Хашааны газраа бүтэн орон сууцаар солилцдог болсон билээ. Хамгийн сүүлийн жишээ сонсоход 100 айлын долдугаар хорооллын орчимд газрын эзэн 0.05 га газраа 800 мКв үл хөдлөхийн талбайгаар сольсон байна. Энэ бол гэр хорооллын дахин төлөвлөлтийн үйл ажиллагааг эхлүүлсний, гэр хорооллын төлөө тэмцсэн бидний тэмцлийн үр дүн юм шүү.

Харамсалтай нь 2016 оны нийслэлийн сонгуулиар Ардчилсан Нам ялагдаж, МАН нийслэлийг эргэн удирдах болсон. Олигархиуд буцаж ирэнгүүтээ гэр хорооллын дахин төлөвлөлтийн ажлыг зогсоосон. Дахин төлөвлөлтийн ажлыг зориглон хийж эхэлсэн компаниудын санхүүжилтийг гацааж,тэднийг өрөнд оруулсан. Дахин төлөвлөлтийн дараачийн алхам болж байсан “Сайн хашаа” хөтөлбөрийг шууд “устгахаа” ил тод зарласан. Тэдний зорилго бол гэр хорооллын утааг арилгаж, ядуурлыг бууруулах нэрээр олон олон их наядаар тоглож хөлжих юм. Гэр хорооллыг үеийн үед төрийн дарга нарын мөнгө хийх бизнес болгон ашигласаар ирсэн. Энэ санаархлаа гүйцэлдүүлж тэрбум тэрбумаар нь мөнгө угаасныг бүгд мэднэ. Үр дүнд нь утаа арилаагүй, ядуурал буураагүй, дахин төлөвлөлт зогссоныг нийтээрээ харж байна. Гэр хорооллын хашааны газрын үнийг заавал унаган иргэдээ мэхэлж байхын оронд чөлөөт үнээр харилцан ашигтай тохирох дахин төлөвлөлтийн аргаар явж болно.

Миний хүү Чулуудай “Грандлайн” компани ийм боломж бийг тухайн үед үлгэр жишээ харуулж байсан юм. Би албан тушаалаа ашиглан хүүдээ ямар ч давуу эрх олгоогүй. “Грандлайн” компани дахин төлөвлөлтийн бусад 17 компанитай адил тэнцүү эрх эдэлж байсан. Харин ч улс төрийн дайралтаас болоод төслөө зогсооход хүрсэн юм. Миний хүү гэр хорооллынхныг сайхан амьдруулах гэсэн аавынхаа мөрөөдлийг дэмжиж яваад өнөөдөр улс төрийн золиос болсон шүү! Хүүтэй минь хамт, мөн миний удирдлага дор гэр хорооллын дахин төлөвлөлтийн ажил хариуцаж явсан гэм зэмгүй хүмүүсийг ажлаа хийснийх нь төлөө 2016 оноос хойш залхаан цээрлүүллээ. Эрх баригч Ардын нам 2016 онд төрийн залгамж халаагаа уландаа гишгэж, гэр хорооллын дахин төлөвлөлтийг зогсоосноос болж олон айл орон гэргүй болсон. Энэ бүх хог новшоо нэгэн гэр бүлийн аав, хүү хоёрт үүрүүлж, буруугаа тохож, золиослоод өөрсдөө мөнгө угаах гэсэн тэдний шуналт улс төр өнөөдөр намайг шоронд хийж хилсдүүлж чадлаа! Үүний цаад зорилго нь гэр хорооллын дахин төлөвлөлтийн ажлыг бүхэлд нь гутааж, иргэдийн итгэл үнэмшлийг үгүй хийж, хөрөнгө оруулагчдыг айлгаж, хашааны газрыг үнэгүйдүүлэн эздээс нь дээрэмдэн авч, бизнес хийх олигархиудын шунал юм гэдгийг одоо та нар ойлго.

Гэр хорооллын иргэд ээ! Гэхдээ та нар минь битгий ялагдаарай. Хашааны газраа хамгаалаарай. Олигархиудад бүү хууртаарай. Та нарын хашааны газар дээр ирээдүй үе чинь аз жаргалтай амьдрах Шинэ Улаанбаатар босох ёстой! Та бүгдийн төлөө тэмцсэн миний 19 жилийн тэмцлийг битгий үнэгүйдүүлээрэй! Би ямар ч үр дүнгүй тэмцэл хийсэн баймааргүй байна! Үүний төлөө ямар ч хатуу ширүүн залхаалтыг давахад бэлэн байна! Намайг зүгээр ч гэр хорооллын Бат-Үүл гээгүй юм шүү! Би та нарынхаа төлөө тэмцсээр дуусна аа. Ардчилсан намын гишүүд ээ! Дарангуйллын эсрэг, шударга ёсны төлөө, шуналт олигархиудын эсрэг, ардчилал, эрх чөлөөний төлөө НАМАА НЭГТГЭЭРЭЙ!

Эцэст нь хэлэхэд, олон өдөр үргэлжилсэн шүүх хуралдааны үеэр прокурор “Таны Засаг дарга байхдаа хийж, хэрэгжүүлсэн бодлого үйл ажиллагааны төлөө энэ хэрэгт холбогдуулан яллаж байна” гэж хэлэхийг сонсоод маш ихээр цочирдсон. Үүнээс хойш аливаа удирдах албан тушаалтан улс орноо хөгжүүлэхээр гаргасан бодлого шийдвэрийнхээ төлөө ийм айхавтар залхаан цээрлүүлэлт хүртэж ял авдаг жишиг тогтох вий гэдэг харуусал тээн энэ дөрвөн хананы дунд сууна. Прокурорын хэлснээр гэр хорооллын дахин төлөвлөлтийг яллабал Монголын хөгжлийг зогсоох асар том цохилт болно. Ийм зүйлийн дараа зориглож, улсын хөгжлийг урагшлуулах бүтээн байгуулалт хийх хүн олдохгүй. Захиргааны үйл ажиллагааг хуулийн дагуу явуулсных нь төлөө ялладаг жишиг тогтвол энэ төрд зориглож ажиллах хэн нэгэн гарахгүй шүү.

Засаг даргын хувьд гаргасан бодлого, хийсэн үйл ажиллагааг минь гэмт хэрэг гэж үзэж байгаа юм бол энэ залхаан цээрлүүлэлт зөвхөн надаар дуусаг. Хуулийн дагуу оногдсон ажлаа хийсэн гэм зэмгүй хүмүүсийг хоморголон хилсдүүлж огтхон ч болохгүй. Ард иргэдийнхээ хүн ёсны эр зоригийг бүү мохоогоорой. Хууль улам муудвал эцсийн зогсоол нь хэлмэгдүүлэлт байдаг юм шүү гэдгийг хууль, шүүхийнхэн ямагт санаж, хүнлэг энэрэнгүй байх хүн ёсны итгэл үнэмшлээ сэрээгээрэй! 2021.12.19 Хорих ангиас Эрдэнийн Бат-Үүл & #8221; гэжээ.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
29 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2021-12-20 11:17

za ####aa ene odoo hereg hiicheed yu geed hutsad bgan

Зочин
Зочин
2021-12-20 11:21

Нэр ####бан туша####аа ашиглаж өөртөө болон хүүдээ давуу байд#### үүсгэж олон хүн хохироосон нь үнэн шүү дээ.

Зочин
Зочин
2021-12-20 11:32

Битгий нээх сайн хүний дүрд тоглоод жүжиглээд бай. Харин ч ялыг нь их өгөх байсан юм

Зочин
Зочин
2021-12-20 11:33

bibidi bobidi bu aaash ahhaha

Зочин
Зочин
2021-12-20 11:33

Zahidal ntr bas bichijnee hiisen heregtei ylaa uureh heregtei

Зочин
Зочин
2021-12-20 11:34

chawas 7 hnogvi baij ingej altsganaj baiga bol sar bolood yaanaa

Зочин
Зочин
2021-12-20 11:34

шоронд орохдоо заав#### захид#### бичиж үлдээдэг юмуу хаха

Иргэн
Иргэн
2021-12-20 11:38

Хүүхдээ зөв хүмүүжүүлэх хэрэгтэй байж дээ.

Иргэн
Иргэн
2021-12-20 11:46

Ардчил####, хүний эрхээр бамбай хийж, хувийн ашиг сонирхолоо хөөуөлдөгч өвгөн шорондоо чимээгүй хэвтэж байх хэрэгтэй.

Зочин
Зочин
2021-12-20 12:02

ОЛОН ЮМ ХУЦАХ СОНИРХОЛ АЛГА. ГАНЦ Л ЮМ ХЭЛЬЕ. БАТҮҮЛ ШИГ САЙН АЖИЛЛАСАН ХОТЫН ДАРГА ДАХИЖ ХЭЗЭЭ Ч ТӨРӨХГҮЙ БАЙХААДАА.

Zochin
Zochin
2021-12-20 12:07

Taniig demjdeg. Demjseer ch bh bolno.

Иргэн
Иргэн
2021-12-20 12:08

Хэрэг хмйсэн юм бол зүгэар л хэргээ хүлэгээч. Уосын мөнгө хүүтэйгээ нийлж идээ биз дэ юундаа гоншигноод бдаг бна бас. Тэр зоригийг ####сан гэ биз дэ аймаар юма

Зочин
Зочин
2021-12-20 12:09

Битгий нээх сайн хүний дүрд тоглоод жүжиглээд бай. Харин ч ялыг нь их өгөх байсан юм

Зочин
Зочин
2021-12-20 12:09

зүгээр хүнийг хийв гэж

Зочин
Зочин
2021-12-20 12:12

Зүв зүгээр бхад нь хорино гэж бхгүй гоншигноод блгүй ялаа эдэл харин ч бага ял өгч

Зочин
Зочин
2021-12-20 12:13

Гол нь шудрага шун####гүй байх шүү дээ. Бат-Үүл гэгчээ

Зочин
Зочин
2021-12-20 12:16

Gonshignolgvi ylaa edel hongohon yl avsandaa bayrlaj yv

Зочин.
Зочин.
2021-12-20 12:24

МАН хийж байсан ажлыг нь зориуд зогсоож ард иргэдийг орох оронгүй болгоод эцсийн хариуцлагыг бат-Үүл болон бусад хүмүүст үүрүүлжээ,зориудын ажиллагаа байсан байна гэж ойлгогдож байна.Засаг төрийн ажлын з####гамж холбоотой байх зарчмыг зан####тайгаар тас цохиж байгаад үүсгэсэн хэрэг биш юм уу, гэдэг нь прокурорын хэлсэн үгнээс харагдаж байгаа бус уу?

zochin
zochin
2021-12-20 12:56

demjij bn

Зочин
Зочин
2021-12-20 13:08

Gutsalgui ner turtei yalaa uureed garch ireed uruu tuluurei

Зочин
Зочин
2021-12-20 13:31

хүн ёстой хүн ядарсан хүмүүсээ шулдаг юм уу

Зочин
Зочин
2021-12-20 13:55

Больж үзээ. Та нарын дахин төлөвлөлтөөс болж одоо хүртэл орон байргүй. хашаа ч үгүй болсон иргэд олон байгаа ш дээ.

Зочин
Зочин
2021-12-20 13:56

Битгий үлгэр яриад бай л даа.

erdenebat
erdenebat
2021-12-20 14:29

odoo khashaanii gazaraar bair solikh bolomjiig nyats darsan, yuu gelee khashaanii gazariig bairnii uridchigaand avna geluu khunii khurungiig ingej l uneguiduulsen shoo

Naran
Naran
2021-12-20 14:40

Хүүдээ давуу байд#### олгоогүй гэдэг шиг худ#### үлгэр байхгүй.Хүүгийнх нь авсан Амг####ангийн төлөвлөлтийн газарт өөр компани ш####гарсан байсныг Ханын матери####ын комбинатаас хойших газарт хөөгөөд хүүдээ энэ хэл ам дагуулаад буй газрыг өгсөн.Мөн туркуудын мөнгийг з####ьдаж гэр хороололд орон сууц барина гэж баахан бужигнуулсан.С.Батболдын засгийн газар 7-р хорооллыг дахин төлөвлөж барилгажуулах гэж байхад давхиж очоод айлуудын тархийг угааж "Та нар газраа 200 саяаас доош үнэлж болохгүй" гэж донгодсоор байгаад тэр хороолол бүрэн баригдаа ч үгүй, зарим айлууд нь одоо болтол Бат-Үүлийн 200 саяыг хүлээгээд байж байгаа.Тийм шударга хүн юм бол хийсэн гэмээ зоригтой хүлээгээ ч дээ.Д####ай лам хэлсэн байдгийм:"Бусдын мянган ####дааг ярьснаас өөрийн нэг гэмийг ухаар" гэж.Буур#### өвөө одоо больж үз.Х####тмаагийн жа####тай харг####дсаны чинь хариу ш дээ.

Зочин
Зочин
2021-12-20 20:01

5 тэрбум төг хуссан юм чинь 4 жил суухад болноо

Зочин
Зочин
2021-12-20 20:07

АРДЧИЛАЛ гэж сайхан юмаа . Хэзээ дарга нар шоронд ордог байлаа даа

ХОТЫН ИРГЭН
ХОТЫН ИРГЭН
2021-12-21 07:56

БАТ-ҮҮЛ ЖИНХЭНЭ ШУДАРГА ХҮН.ХОТЫН ХАМГИЙН САЙН ДАРГА БАЙСАНДАА.ХҮНИЙГ ИНГЭЖ ХЭЛМЭГДҮҮЛЭХ Ч НҮГЭЛДЭЭ.АРДЫН БААТАР МИНЬ ЗОРИГТОЙ БАЙ.ШУДАРГА ҮНЭН ХЭЗЭЭ НЭГ ЦАГТ ЯЛНА

Зочин
Зочин
2021-12-21 10:57

Khhhh. Chi baildaand orson tsereg er vv. Bitgii jvjigle. Estoi ineedtei haragdaj sonsogdoj baina. Vnendee l zohihgvi baina.

Холбоотой мэдээ

Back to top button
29
0
Would love your thoughts, please comment.x
()
x