Энэтхэгийн хойд хэсэгт орших Уттар Прадеш мужийн иргэд үхрийн дайрлагад өртөж, эмнэлэгт хүргэгдэх болжээ. Иргэд гэртээ, хашаандаа сууж байхад эзэнгүй үхэрнүүд олноор дайрч, мөргөж гэмтээх болсон байна. Мөн айлуудын бэлчээрийг тахалж сүйтгэх, зам дээр бэлчсэнээс автомашины осол гарах цаашлаад хүний амь эрстэх нь ихэссэн аж.
Улмаар эмнэлгийн байгууллагын ачаалал огцом нэмэгдэж, ил болон битүү гэмтэлтэй шархадсан иргэд олноор үйлчлүүлэх болжээ.
Энэтхэгийн хамгийн олон хүн амтай мужуудад үхэр нядлахыг хориглосноор үхрийн тоо толгой үнэмлэхүй өсчээ. Хинди шашинтнууд үхрийг ариун гэж үздэг байсан ч, саяхныг хүртэл фермерүүд хөгшин үнээгээ нядалгааны газар аваачдаг байсан аж. Гэвч Ерөнхий сайд Нарендра Модигийн Бхаратия Жаната нам (BJP) тэргүүтэй засгийн газар "үхрийн нядалгаа"-г эсэргүүцсэн хууль тогтоомж гаргаснаар Энэтхэгийн 18 мужид уг үйлдлийг хууль бус хэмээн үздэг болсон аж.
Үхэр нядлахыг хориглосон учир тариаланчид хөгшин, үржил шимгүй үнээгээ зүгээр л гудамжинд орхидог байна. Эзэндээ хаягдсан орон гэргүй, тэнэмэл үхэрнүүд олширсноор ургац сүйтгэх, зам тээврийн осол гаргах, хүний биед халдаж аминд хүрч эхэлсэн тухай нутгийн иргэд хэлсэн байна.
Улмаар эзэнгүй үхэрнүүдийг тусгай хашаанд байрлуулж байгаа ч, ачааллаа дийлэхгүйд хүрчээ. Тус хашааны ажилтан "Хоргодох байранд дээд хэмжээндээ тултал буюу 200 үхэр байрлуулж байна. Гэтэл 700-1000 орчим золбин үхэр тэнүүчилж байна" гэжээ.
Эх сурвалж: www.bbc.com
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Heterhii teneg susegtei
ene buur shogiin yum gesen shdee uher aluul 14jil horirno hun aluul 2 jil horino goy bgazde
хаха шашинд хэт их автв�##� ард түмэн ийм л тэнэг болж байгаа шд.
muhar suseg gj hetsu ymda
Хэт дэмийрч Шүтэх нь ийм л аюултай