Швейцарийн цаг үйлдвэрлэгч “Rolex” компани ОХУ руу хийх экспортоо зогсоолоо. Энэ талаар мягмар гараг /2022.03.08/-т “Блүүмберг” /Bloomberg/ агентлаг хэвлэлийн төлөөлөгчөөс иш татан мэдээллээ.
“Rolex” компанийн хэлснээр, тус компани Орост ямар ч компани, үл хөдлөх хөрөнгө эзэмшдэггүй ба одоогийн байдлаар ОХУ-ын нутаг дэвсгэрт борлуулж буй тансаг зэрэглэлийн брэндийн цагнуудыг нь зөвхөн бие даасан хувийн жижиглэнгийн худалдаачид борлуулдаг гэсэн юм.
Мөн тус компанийн бүтээгдэхүүний сүүлчийн ачааг хоёрдугаар сарын 24-нөөс буюу В.Путин Украин руу түрэмгийлэн довтлохоос өмнө илгээсэн байсан гэдгийг онцолсон байна.
Эх сурвалж: Bloomberg
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.