БНХАУ-ын Гадаад Хэргийн сайд Ван И Украины хямралын талаарх Бээжингийн байр суурийг АНУ болон Барууныхан мушгин гуйвуулах оролдлого хийж байгааг буруутгалаа.
Ван И Испанийн Гадаад Хэргийн сайд Хосе Мануэль Альбарестай ярилцах үеэрээ Украины хямралын улмаас Хятад улс хориг арга хэмжээнд өртөхгүй гэдэгт найдаж буйгаа илэрхийлсэн талаар “Шиньхуа” /Xinhua/ агентлаг мэдээлжээ.
Украины хямралыг энхийн замаар зохицуулахад Хятад улс “бүтээлч үүрэг гүйцэтгэсээр байна. Украины асуудлаарх Хятадын талын бодитой, шударга байр суурийг гүтгэн гуйвуулж, янз бүрийн худал мэдээлэл зохиохоо зогсоох хэрэгтэй” хэмээн Ван И онцлов.
Өмнө нь, БНХАУ-аас НҮБ-д суугаа суурин төлөөлөгч Жань Жүнь НҮБ-ын хурал дээр дэлхий дахинд шинэ хүйтэн дайн хэрэггүй хэмээсэн. Харин үүнээс өмнө АНУ-ын Үндэсний аюулгүй байдлын зөвлөх Жейк Салливан хэлэхдээ, АНУ-ын эрх баригчид Орос Барууныхны авч хэрэгжүүлж буй хориг арга хэмжээний улмаас учирсан хохирлоо барагдуулахад нь Хятад улс туславал нүүрлэх “үр дагавар”-ын талаар Вашингтон Бээжинд анхааруулсан.
Мөн Хятадыг Орост туслана, туслахгүй гэсэн утгаар янз бүрийн мэдээлэл цацаж байгаад дургүйцэж, АНУ болон Барууныхныг Орос, Хятадын харилцаанд “яс хаяхгүй” байхыг урилсан байна.
Эх сурвалж: Xinhua
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Орос унав�##� дараагийн бай Хятад болно гэдгээ эрхбиш мэдэхтэйгээ байлгүй.
За ингээд дэлхий маань гурван туйлтай боловоо хөөрхий.
ХОЁР ТОЛГОЙТОЙ МОГОЙ ЯАНА ГЭДЭГ БИЛЭЭ ГУРАВ БОЛОВОЛ БҮҮР Л МУУ
ДЭЛХИЙНИЙТ БА ХЯТАДЫН ХООРОНД ОРОС ЯС БОЛЧИХООД БАЙГАА ЮМ БИШ ОО