Цаг үеийн трэнд сэдвүүдээс хоцордоггүй, яаж ийгээд өөрийгөө холбож, монголчуудыг хөгжөөж чаддаг, сэргэлэн ч гэмээр нэг УИХ-ын гишүүн байна. Тэр бол АН-ын бүлгийн дарга Д.Ганбат.
Тэрбээр энэ сарын 04-нд УИХ дахь АН-ын бүлгээс мэдээлэл хийж, Хөгжлийн банкны чанаргүй зээлийн асуудлаар түр хороо байгуулахаар болсон талаар мэдээлэл хийх үеэр тэрбээр өөрийгөө бас л дөвийлгөөд авсан.
Тэрбээр,
"Би Украины Киев хотод таван жил суралцсан. Олон мянган иргэн тэнд суралцаж байсан. Дүрвэгсдэд туслах үүднээс би хүмүүнлэгийн аянд нэгдэх ёстой гэж үзэн, нэг сарын цалингаа хандивлалаа. Мөн үүнийг монголчууддаа уриалж байна" хэмээсэн.
Тэгвэл өчигдөр хаврын чуулганы нээлтийн дараа сэтгүүлчдэд “Би АН-ын бүлгийн даргын хувьд, Украины Киевт төгссөн төгсөгчийн хувьд нэг сарынхаа цалинг хандивласан. Өнөөдрийн чуулганы нээлт дээр ч гэсэн би Украины төрийн далбааг бэлгэддэг цэнхэр цамц, шар зангиа зүүгээд явж байна" хэмээн хөгжөөгөөд авав.
Ингээд зогссонгүй. Бурханлиг, шашинлаг хүн гэдгээ ч илтгээд авав. Тэрбээр “Монгол Улсад бар жил ирэхэд дандаа сайн сайхан зүйл тохиолддог. 1206 оны бар жил эзэн Чингис хаан маань Их Монгол улсаа зарлаж явж байсан түүхтэй. Усан бар жилд АН нэгдэж, нягтарч, бүлэгтэй, суудалтай намын хувьд хэдийн үйл ажиллагаа явуулах боломж нөхцөл бүрдсэн жил болно гэдэгт эргэлзэхгүй байна” хэмээв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Huurhii uurteiguu hereldeed bsan odoo yum uzej hardag bolj bgn bn da
энэ нэг явдаг онигоо байна аа
энэ мууг ер нь хүн тоодог юм уу
Украйнд баахан бидон хандивлах бий дээ
Tenegt,duugui ajilaa hii