ОХУ-ын Ерөнхийлөгч Владимир Путин Аюулгүйн зөвлөлийн байнгын гишүүдтэй уулзсан гэж Кремлийн хэвлэлийн нарийн бичгийн дарга Дмитрий Песков мэдэгдлээ.
Батлан Хамгаалахын сайд Сергей Шойгу “цэргийн тусгай ажиллагаа”-ны явц, хүмүүнлэгийн тусламж үзүүлэх, аюулгүй байдлыг хангах, чөлөөлөгдсөн нутаг дэвсгэрийн амин чухал дэд бүтцийг сэргээх талаар мэдээлэл хийжээ.
Уулзалтад Ерөнхий сайд Михаил Мишустин, Холбооны Зөвлөлийн дарга Валентина Матвиенко, Төрийн Думын дарга Вячеслав Володин, Аюулгүйн зөвлөлийн орлогч дарга Дмитрий Медведев, Аюулгүйн зөвлөлийн нарийн бичгийн дарга Николай Патрушев, Дотоод Хэргийн сайд Владимир Колокольцев, Гадаад Хэргийн сайд Сергей Лавров, Батлан Хамгаалахын сайд Сергей Шойгу, Холбооны аюулгүй байдлын албаны дарга Александр Бортников, Гадаад тагнуулын албаны дарга Сергей Нарышкин, Ерөнхийлөгчийн Байгаль орчин, экологи, тээврийн асуудал хариуцсан тусгай төлөөлөгч Сергей Иванов нар оролцсон байна.
“Украины талтай хийх хэлэлцээрийн явцын талаар дэлгэрэнгүй ярилцсан. Мөн Украин, Оросын хэлэлцээ удаашралтай байгаад харамсаж байгаагаа илэрхийлсэн” хэмээн Ерөнхийлөгчийн хэвлэлийн нарийн бичгийн дарга мэдэгдлээ.
Эх сурвалж: Rianovosti
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Шоогуугийн сүнс нь �######�цан байна оо, царайг нь нүдийг нь харчих, их гүрний том сайд гэхэд үнэхээр байхгүй болчихож.