Эрчүүдэд зориулсан жирэмслэлтээс хамгаалах анхны эмийг зах зээлд гаргана

Олон жилийн судалгаа, туршилтын үр дүнд эрчүүдэд зориулсан жирэмслэлтээс хамгаалах ууж хэрэглэх эм тун удахгүй зах зээлд гарахад бэлэн болжээ.

АНУ-ын Миннесотагийн Их Сургуулийн эрдэмтдийн баг жирэмслэхээс 99 хувь сэргийлдэг бэлдмэлийг эрчүүдэд зориулан бүтээсэн байна.

Эрдэмтдийн эрчүүдийн жирэмслэлтээс хамгаалах эм үйлдвэрлэх олон арван жилийн хүсэл эрмэлзэл ийнхүү бодитоор хэрэгжихэд нэг алхам ойртлоо.

Эмийн туршилтыг хулгана дээр туршсан ба дааврын бус “YCT529” гэх шинэ эм нь ямар нэгэн гаж нөлөө үүсгэдэггүй болохыг эрдэмтэд баталжээ. Шинэ эм нь эр бэлгийн эсийг боловсруулах чухал үүрэгтэй уургийг дарангуйлах аж.

Туршилтын хулгана дээр дөрвөн долоо хоногийн турш хийсэн ба эрдэмтдийн үзэж байгаагаар энэ хугацаанд эр хулганын эр бэлгийн эсийн тоо эрс багасаж, жирэмслэлтээс даруй 99 хувиар хамгаалж байсан аж. Харин эмийн хэрэглээг зогсоосноос хойш 4-6 долоо хоногийн дараа хулгануудад эр бэлгийн эс нь дахин боловсорч, зулзагалах боломж бүрдэж эхэлсэн байна.  

“YCT529” эм бол эсийн хөгжил, түүний дотор эр бэлгийн эс үүсэхэд идэвхтэй оролцдог ретинойн хүчлийн рецепторын альфа уураг гэгдэж байна.

Гунда Георг: “Эм бодит амьдрал дээр үйлчилнэ гэсэн баталгаа байхгүй. Гэсэн ч, бид эмний үр дүнг хүн дээрээс харчихвал үнэхээр гайхалтай хэрэг болно”.

Эрчүүдэд зориулсан анхны туршилтууд энэ оны хоёрдугаар хагаст эхлэх төлөвтэй байна. Миннесотагийн Их Сургуулийн профессор Гунда Георгийн ярьснаар, эмийг ирэх таван жилийн дотор зах зээлд нийлүүлэх зөвшөөрөл гарч магадгүй хэмээн өөдрөгөөр харж байгаа аж.

Эх сурвалж: Euronews

Энэ мэдээнд өгөх таны үнэлгээ

Хуваалцаарай Жиргээрэй