2022 оны эхний таван сарын байдлаар гадаад худалдааны тэнцэл эерэг гарчээ. Тодруулбал, экспорт 4083.7 сая, импорт 3137.3 сая ам.долларт хүрсэн бөгөөд зөрүү нь эерэг утгатайгаар 946.4 сая ам.доллар болж байна.
Гадаад худалдааны тэнцэл эерэг гарах буюу экспорт нь импортоо давах үед төгрөгийн ханш чангарах хүлээлттэй байдаг. Гэвч оны эхнээс хойш валютын хомстол үүссэнээс гадна ам.долларын ханш огцом өсөөд байгаа. Энэ нөхцөл байдлаас хойш төгрөгийн ханш суларсан хэвээр байна.
Харин нийт бараа эргэлт 7221 сая ам.долларт хүрсэн нь өндөр үзүүлэлт. Тухайлбал,
- 2021 онд 5925.7 сая
- 2020 онд 3998.7 сая ам.доллар байсны хувьд огцом өссөн дүн болж буй.
Харин гадаад худалдааны нийт бараа эргэлтэд хамгийн их харилцсан улсуудад БНХАУ, ОХУ, Япон зэрэг байна.
Тодруулах юм бол, манай улсын хамгийн их экспорт хийсэн орнуудаар БНХАУ, Швейцарь, Сингапур, ОХУ, БНСУ, Итали, ХБГНУ, Япон, Хонконг, Их Британи нэрлэгджээ. Харин хамгийн их бараа импортолсон орноор БНХАУ, ОХУ, Япон, БНСУ, АНУ, ХБНГУ, Турк, БНЭУ, Польш, Франц орсон байна.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.