АНУ: БНХАУ, Энэтхэг ОХУ-аас газрын тос авснаар үнэ буурахад нөлөөлсөн нь сайшаалтай
БНХАУ, Энэтхэг ОХУ-аас газрын тос худалдан авалтаа нэмэгдүүлсэн нь алдагдлыг бууруулж, дэлхийн шатахууны үнэ буурахад тус дөхөм болов хэмээн АНУ-ын Засаг захиргааны Эдийн засгийн зөвлөлийн хэвлэлийн төлөөлөгч Сесилия Роуз “Блүүмберг”-т өгсөн ярилцлагынхаа үеэр мэдэгджээ.
“Одоогийн байдлаар, ялангуяа газрын тосны зах зээл нэлээд тогтворгүй байна. Энэ нь Хятад, Энэтхэг улс Оросын газрын тосыг бидний тооцоолж байснаас ч их хэмжээгээр худалдан авч байгаатай холбоотой” гэдгийг Роуз үгүйсгэсэнгүй.
Мөн тэрбээр газрын тосны үнэ ийнхүү буурсныг сайшааж, шатахуун түгээх станцын хэрэглэгчдэд энэ нь бодитоор мэдрэгдэж байгаа гэдэгт итгэлтэй байна хэмээв.
Өчигдөр /2022.06.22/ орой газрын тосны үнэ буурч, дэлхийн шатахууны эрэлтийн улмаас сүүлийн зургаан долоо хоногийн хугацаанд доод түвшиндээ хүрсэн байна. Лондонгийн “ICE Futures” хөрөнгийн бирж дээр монголын цагаар 22:58 цагт “Brent” маркийн газрын тосны наймдугаар сарын фьючерс 4.9 ам.доллароор буюу 4,27 хувиар буурч, нэг баррель /торх/ газрын тос 109,75 ам.доллар болов. Үнийн санал таюдугаар сарын сүүлээс хойшии хамгийн доод түвшинд хүрсэн байна.
Нью-Йоркийн “NYMEX” бирж дээр наймдугаар сарын WTI маркийн газрын тосны фьючерсийн үнэ нэг баррель нь 4,79 ам.доллароор буюу 4,37 хувиар буурч, 104,73 ам.доллар болжээ.
Эх сурвалж: Bloomberg
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
үнэн ТОМ ХЭРЭГЛЭГЧИД ОРОСЫН ХЯМД ГАЗРЫН ТОСНООС АВАХААР ДЭЛХИЙН ЗАХ ЗЭЭЛ ДЭЭРХ ЭРЭЛТ БУУРАХ НЬ ГАРЦААГҮЙ