УЛС ТӨР

Д.Ганбатыг АН-ын бүлгийн даргаас огцруулахад алх цохих л үлдлээ

Төрийн байгуулалтын байнгын хороо өнөөдөр /2022.06.30/ хуралдан Монгол Улсын Ерөнхийлөгчөөс өргөн мэдүүлсэн Улсын Их Хурлын тогтоолын төслийн анхны хэлэлцүүлгийг хаалттай горимоор явуулав.

Үргэлжлүүлэн О.Цогтгэрэл нарын гишүдийн өргөн барьсан Д.Ганбатыг АН-ын бүлгийн даргаас огцруулах боломжийг нээх заалт бүхий  Монгол Улсын Их Хурлын тухай хуульд нэмэлт оруулах тухай хуулийн төслийн эцсийн хэлэлцүүлгийг хийлээ. Уг хуулийн төслийн анхны хэлэлцүүлгийг өнөөдрийн чуулганы хуралдаанаар явуулж, Д.Ганбат гишүүний гаргасан зарчмын зөрүүтэй саналыг хүлээж авахаас татгалзсан билээ.

УИХ-ын гишүүн Д.Ганбат хуулийн төслийн эцсийн хэлэлцүүлгийг хойшлуулах нь зүйтэй гэсэн байр суурьтай байгаагаа илэрхийлсэн бөгөөд Байнгын хорооны дарга Ж.Мөнхбат, УИХ-ын даргын зөвлөлийн хурлаар Байнгын хороо, чуулганы нэгдсэн хуралдаанаар хэлэлцэх асуудлын тов тогтоох тухай асуудлыг хэлэлцэхдээ дээрх хуулийн төслийг хэлэлцэх хугацааг дөрвөн удаа хойшлуулсан. УИХ дахь АН-ын бүлгийн даргын мэдэгдсэнээр Төрийн байгуулалтын байнгын хороогоор хуулийн төслийг хэлэлцэх үед хоёр удаа завсарлага өгч, хэлэлцүүлгийг хойшлуулсан хэмээн мэдэгдэв. Тэрбээр хуулийн төслийн хэлэлцүүлгийг Монгол Улсын Их Хурлын чуулганы хуралдааны дэгийн тухай хуульд заасны дагуу явуулж байгаа гэдгийг тодотгосон.

Мөн УИХ-ын Төрийн байгуулалтын байнгын хорооны ахлах зөвлөх Б.Хатантуул Монгол Улсын Их Хурлын чуулганы хуралдааны дэгийн тухай хуульд УИХ дахь намын бүлэг завсарлага авах талаар хэрхэн тусгасан талаар танилцуулж, УИХ-ын гишүүн О.Цогтгэрэл хуулийн төсөл санаачлан хэлэлцүүлж байгаа шалтгаанаа тайлбарласан.

Төрийн байгуулалтын байнгын хорооны дарга Ж.Мөнхбат хэлэлцүүлгийг түр хойшлуулах горимын санал гаргасан ч хуралдаанд оролцсон гишүүдийн олонх дэмжсэнгүй.

Хэлэлцүүлэг ийнхүү өндөрлөн хуулийн төслийн эцсийн хэлэлцүүлгийг хийсэн талаарх танилцуулгыг чуулганы нэгдсэн хуралдаанд хүргүүлэхээр тогтлоо хэмээн УИХ-ын Хэвлэл мэдээлэл, олон нийттэй харилцах хэлтсээс мэдээллээ.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
3 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2022-06-30 17:18

Зөв байна. Одоо АН аа хурдан ажиллагаанд оруул.

Zochin
Zochin
2022-06-30 22:58

Za ashgui dee,neg ch gesen luivarchin daragdaj bval..

Лхамаа
Лхамаа
2022-07-02 11:15

Ганбат гэдэг ямар ч боловсролгүй тэнэг этгэд намаа самарч дуусгаад одоо засаг төр улс эх ороноо самархаар шийдсэн болтой юм аа даа янз нь мөн ч бүтэхгүй амьтан юм

Холбоотой мэдээ

Back to top button
3
0
Would love your thoughts, please comment.x
()
x