Долоодугаар сарын 14-ний өдөр Сэлэнгэ аймгийн Шаамар сум Орхон голын гүүрийн хашлагыг давж, зургаан зорчигчтой суудлын автомашин онхолджээ.
Онцгой байдлын газрын Эрэн хайх, аврах ангийн алба хаагчид 20 км замыг туулан 07:05 цагт очиход иргэн У-ын “Саксээд” загварын суудлын автомашин “Орхон голын гүүр”-ний хашлага даван “Орхон” голын хуурай салаа дотор унасан байсныг 1 цаг 30 минут ажиллан иргэд болон автомашиныг аюулгүй газарт гаргажээ. Улмаар замын цагдаагийн газарт автомашиныг, жолооч У/30 настай, эмэгтэй/, зорчигч Г/33 настай, эрэгтэй/, Н/10 нас эмэгтэй/, С /9 настай, эрэгтэй/, Б /4 настай, эрэгтэй/, Г /2 настай, эрэгтэй/ нарыг аймгийн Нэгдсэн эмнэлгийн ЯТТТ-д хүлээлгэн өгсөн байна.
Иргэд та бүхэн замын хөдөлгөөнд оролцохдоо бусдын болон өөрсдийн аюулгүй байдлыг бүрэн хангаж, дүрмээ баримтлан, хурдаа тохируулж, сонор сэрэмжтэй байхыг анхааруулж байна.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.