“BOOM”: Шийрэв багшийн шавь, "шийртэй" Цогоо

2016 оны Риогийн олимпод явахад нь түүнийг арын хаалгаар явлаа хэмээн олон хүн хэмлэж байв. Тэгэхэд ялагдчихаад хонгилд уйлж суусан ч үе бий. Гэвч тэр бууж өгөөгүй. Өдгөө “Токио 2020” олимпын наадмын хүрэл, “Ташкент 2022” ДАШТ-ий алтан медалийн эзэн болж дэлхийд дийлдэхгүй бөх гэдгээ зарлан тунхаглалаа.

Тэр дэвжээн дээр гараад хэзээ ч нурмайж байсангүй. Харин ч Монгол омогшлоо цээжиндээ ноцоож, хачин гоё класик барилдаан үзүүлнэ. Түүний барилдааныг үзсэн олон ч Монголчууд жүдо бөхөд дурлаж үздэг болсон. Ганцхан Монголчууд ч бус дэлхийн олон хүн энэ залууг чин сэтгэлээсээ хайрладаг юм билээ.

Ингээд түүнийг eguur.mn сайт өнөөдрийн “BOOM” буландаа онцолж байна.

-Ц.Цогтбаатар 1996 оны 10 сарын 16-нд төрсөн.

-Баянхонгор аймгийн Хүрээмарал сумын уугуул.

-12 настай байхдаа “Аваргын гараа” үндэсний бөхийн тэмцээнд оролцох гэж ирсэн ч өглөө нь аавтайгаа хамт таксидаж ирээд бүртгэлээс хоцорч байжээ.

-Улмаар аав нь Монгол бөхийн өргөөний шатан дээр тэмцээнд оролцмоор байна гээд уйлж суусан хүүгээ МУГБ Ц.Шийрэвт шавь оруулж байжээ.

-Ингээд л тэр жүдо бөхөд эргэж буцалтгүйгээр хөл тавив.

-Түүний удамд барилддаг, спортын хүн нэг ч байхгүй.

-Тэрбээр Ц.Шийрэв багшийгаа Монгол Улсын Гавьяат Багш болгох амлалтдаа хүрсэн “шийртэй” эр

-Тэрбээр жүдод дөнгөж хөл тавихдаа автобусны мөнгөгүй, өмсөх кимоногүй байсан талаараа дурссан байдаг.

-Тиймээс Таеквондогийн кимоно хямдхан авч таллаж хайчлаад аав, ээжээрээ гадна талаар нь зах оёулж өмсөөд бэлтгэлээ хийдэг байжээ.

-Тэрбээр бэлтгэлээ ганц ч удаа таслахгүйг хичээдэг нэгэн

-Хэрвээ өглөөний бэлтгэлдээ хоцорчихвол өөрийн эрхгүй уйлчихдаг тийм л шаргуу хөдөлмөрч залуу билээ.

-Түүний эхнэр О.Энхжин мөн жүдо бөхийн тамирчин -Бяцхан хүү нь аавынхаа шийрийг хатаасан дэлхийн бөх болохыг үгүйсгэхгүй.

-Ц.Цогтбаатар 2013 онд АНУ-ын Майами хотноо болсон өсвөр үеийн жүдо бөхийн дэлхийн аварга шалгаруулах тэмцээнээс 60 кг-ын жинд хүрэл медаль хүртсэн. 

-2014 оны УАШТ-ий эрэгтэйчүүдийн 60 кг-ын жинд 40 бөх өрсөлдсөнөөс Ц.Цогтбаатар тодорч, хүрэл медаль хүртсэн юм.

-Тэрбээр 2015 онд 19 настайдаа нэр хүнд, чансаагаараа ДАШТ-ий дараа эрэмбэлэгддэг залуучуудын дэлхийн аварга шалгаруулах Абу Дабигийн “Их дуулга”-аас мөнгөн медалийг эх орондоо авчирч байсан.

-2016  онд Азийн аварга шалгаруулах тэмцээнээс Хүрэл медаль хүртсэн.

-Ц.Цогтбаатар “Рио 2016” олимпын наадамд 60 кг-д барилдаж, гуравдугаар тойрогт дэлхийн аваргын хошой хүрэл медальт БНСУ-ын Ким Вон Жинд ялагдан тэмцээнээ өндөрлүүлж байсан юм.

-Тухайн үед түүнийг арын хаалгаар олимпод явсан хэмээн олон хүн хэмлэж байв.

-Ийнхүү 2016 оны Риогийн олимпод ялагдчихаад уйлаад сууж байсан Монгол хүү дэлхийн хэмжээний жүдоч болсон гэдгээ зарлан тунхаглаж “Токио 2020” олимпын наадмаас хүрэл медаль хүртэв.

-ОУХМ Ц.Цогтбаатар 2021 оны гуравдугаар сард Ташкент болон Тбилисийн Их дуулгад түрүүлж, нэг сард хоёр алтан медаль хүртсэн амжилттайгаар олимпыг зорьсон юм.

-Тэрбээр олимпыг зорихоос хоёрхон сарын өмнө бүл нэмж анхны хүүхдээ өлгийдөн авч байсан.

-Ингээд “Токио 2020” олимпын наадмаас хүрэл медаль хүртэж ард түмнээ хагартал баярлуулав.

Түүний бусад амжилтуудаас дурдвал:

- Азийн аваргын алт, хүрэл,

- Залуучуудын ДАШТ-ий хошой мөнгө,

- Мастерс, Их дуулга, Гранпри тэмцээний 3 алт, 2 мөнгө, 7 хүрэл медалийн эзэн

-Монгол Улсын 4 удаагийн аварга -Залуучуудын дэлхийн аваргын мөнгөн медалиа “Их дуулга” тэмцээний мөнгөн медальтай хослуулсан түүнд IJF-ийн ерөнхийлөгч Мариус Визер баяр хүргэж байв.

-Харин энэ жил Ташкент 2022 дэлхийн аваргаас алтан медаль хүртэж өөрийгөө хэнд л дийлдэшгүй гэдгээ зарлав.

-Одоо түүний зорилго 2024 оны олимпын аварга болох билээ.

Видео:

Энэ мэдээнд өгөх таны үнэлгээ

Хуваалцаарай Жиргээрэй