УЛС ТӨР

Ц.Нямдорж яахав, Д.Сарангэрэл, М.Оюунчимэг нар яагаад “ТҮГЖИЛДЭВ”

Үндсэн хуулийн нэмэлт өөрчлөлт дээр МАН-ынхан жинхэнэ утгаараа хөгөө хөлдөө чирч, хэдэн сарын турш мунгинацгаав. Үндсэн хуулийн өөрчлөлтийг хэлэлцэж эхэлснээс хойш МАН-ын байр суурь хэдэнтээ хувирчээ. Хамгийн эхэнд Үндсэн хуулийн өөрчлөлтийн анхны хэлэлцүүлгийн дараа УИХ-ын гишүүдээ “Тойрогтоо танилцуулаад ир” гэж явуулав. Хоёрдугаар хэлэлцүүлэг дээр бөөн маргаан үүсч, сунжирснаа Ард нийтийн санал асуулга явуулах болов.

Тэгж байтал У.Хүрэлсүхийн талынханд мэргэн санаа төрж, Ард нийтийн санал асуулгатай хамт УИХ-ын ээлжит бус сонгуулийг явуулах лоббиг эхлүүлэв. Парламентын танхимаа бүрэн бүтэн байлгах үүрэгтэй спикер нь  хүртэл даган хөөрч, далдуур дэмжлээ. Үүнийг нь нам гүм байсан М.Энхболдын талынхан үл дэмжиж, гарын үсэг цуглуулах ажиллагаа эрчимгүй, айдастай боллоо. Тэгэнгүүт нь “Ерөөсөө болъё” гээд зогсооцгоолоо.

Үүний дараа дахин нэг шинэ үйл явц эхэлсэн нь Ард нийтийн санал асуулга явуулахын эсрэг зогссон Ерөнхийлөгчийн хоригийг хүлээж авах эсэх асуудал.Бүлгээрээ хэд хэдэн удаа хуралдаж, танхимаараа Их тэнгэрт хоол идэж явахдаа тэд хоригийг хүлээж авна гэсэн ерөнхий үзэлтэй байв. Гэвч хоёр хоногийн дараа дахин хуралдаж, МАН-ын бүлгээс “Ерөнхийлөгчийн хоригийг хүлээж авахгүй”  гэж шийдэв.

Эргэж буцсаар байгаад ингээд шийджээ. Чуулган дээр тэгэхээр хориг унана гэсэн үг гэж ойлгов. Угаас  64-ын бүлэг дээр шийдсэн бодлогын асуудал чуулганы танхимд унах боломжгүй. Нэг нам олонх болсны гол гавьяа ба хайрцаглалт ийм л байдаг. Гэтэл яг үүний эсрэг үйл явц болж, Ерөнхийлөгчийн хоригийг УИХ хүлээж авлаа.

Ерөнхийлөгчийн хоригийг хүлээж авахыг дэмжиж, О.Баасанхүү, Ё.Баатарбилэг, М.Билэгт, Л.Болд, З.Нарантуяа, Ц.Нямдорж, Д.Оюунхорол, М.Оюунчимэг, Б.Пүрэвдорж, Я.Санжмятав, Д.Сарангэрэл, О.Содбилэг, А.Ундраа, Ц.Цогзолмаа, Б.Чойжилсүрэн, М.Энхболд, С.Эрдэнэ, Д.Эрдэнэбат, Ж.Эрдэнэбат нар кноп дарсан юм.

Дээрх гишүүдийг харахад, хоёр бүлэгт хуваагдана. Нэг нь, АН-ын зөвлөлийнхөн, нөгөө нь М.Энхболдын талд баттай зогсогчид. Энэ хоёр бүлэгт орохгүй гурван гишүүн байна. Тэдгээр нь, Ц.Нямдорж, М.Оюунчимэг, Д.Сарангэрэл нар.

Ц.Нямдоржийн хувьд УИХ-ыг тарааж, ээлжит бус сонгууль явуулахыг тас эсэргүүцсэн. Тэр Ерөнхийлөгчийн холимог тогтолцоогоор сонгууль явуулах зэрэг саналуудыг хөхүүлэн дэмжиж, бүлэг дээрээ баахан агсам тавьсан байдаг. Нэг тийм хоёр талд юм шиг ажилласан гэвэл зохино.

Харин Д.Сарангэрэл, М.Оюунчимэг нарын хувьд, тэд У.Хүрэлсүхийн талын улаан хамгаалагчид. Энэ хэрээрээ нэг нь сайд, нөгөө нь байнгын хороо ахалдаг. МАН-ын Удирдах зөвлөлд хүртэл У.Хүрэлсүхийн талын эмблемээр багтдаг, хайр ивээлийг нь хүртэгсэд байлаа. Тийм байтал яг амин чухал асуудал дээр нь яагаад түгжилдэв гэдэг нь ихээхэн анхаарал татав.

Улстөрд найз гэж байдаггүй. Эрх ашгаар л зангигддаг гэж ярьдаг. Ц.Нямдорж угаас адарч загнаад, дэмжсэн кноп дарсан байлаа гэхэд М.Оюунчимэг, Д.Сарангэрэл хоёр яагаад түгжилдэв гэдэг нь анхаарал татсаар үлдэв. Үндсэндээ  энэ гурван гишүүн Ард нийтийн санал асуулга явуулахгүй байх хувь заяаг шийдлээ. Кноп бүр үнэтэй байдгийн жишээ энэ юм.

Ж.МЯДАГБАДАМ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

11
СЭТГЭГДЭЛ

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

avatar
240
10 Сэтгэгдлүүд
1 Сэтгэгдлүүдийн хуриултууд
0 Дагагч
 
Топ сэтгэгдэл
Халуухан сэтгэгдлийн хэсэг
Шинэ Хуучин Шилдэг
ЗОЧИН
ЗОЧИН

Тавилттай жүжиг байсан.Ардын нам энэ 2 авгайгаар туг тахих шиг боллоо

N
N

Ха ха таарч дээ

Zochin
Zochin

Hahaha ene 2 ch gemtei nuhdvvddee hezeech bultaj chadna

Зочин
Зочин

Эд нар монголын улстөрөөс түүхээс үүрд арчигдана

Сар
Сар

Саруул

Бат
Бат

Нямдорж 2 т####д ажилнаа. Монгол хамаагүй өөрийгөө л бодно

Зочин
Зочин

УИХ ГҮШҮҮН УГААСАА НАМД ЗАХИРАГДАН САНАЛ ӨГӨХ ЁСГҮЙ . ЗӨВ БОЛЖЭЭ. ЭНЭ СЭТГҮҮЛЧ АВГАЙ ХАРИН ХОР ХУТГАЖ БАЙНА.

Зочин
Зочин

Гишүүдийн дархан эрх гэдэг гэдгийг хэрхэн байхгүй болгох вэ энэ л шудрага бус бай

Ronglymn
Ronglymn

Онлайн школа проектирования от Евгения Курицина. Видеоуроки, стримы, самоучители, статьи, книги.

StevSlarie
StevSlarie

Lipitor Generic Online No Presciption [url=http://cialibuy.com]Cialis[/url] Discount Cialis Canada

LesOrdiff
LesOrdiff

Buy Keyword Viagra http://buyciallisonline.com/# – Cialis Mexican Pharmacy Online Buy cialis Buy Levitra Line

Back to top button