Волейболын дээд лигт Хөвсгөл аймгаас эмэгтэй хоёр баг өрсөлдөж байна
Монголын волейболын холбооны үндэсний дээд лигийн аварга шалгаруулах тэмцээний эхний тойргийн тоглолтууд үргэлжлэн явагдсаар байгаа билээ. Энэ удаагийн дээд лигийн тэмцээнд эрэгтэй, эмэгтэй нийт 17 шилдэг клубууд оролцож байна. Тэмцээн спортын төв ордонд өдөр бүр 12, 14, 16, 18 цагуудаас явагдаж байгаа бөгөөд эрэгтэй, эмэгтэй тоглолтууд өдөр өдрөөр ээлжилж буй.
Өчигдөр эхний тойргийн эмэгтэй багийн тоглолтууд хуваарийн дагуу явагдаж өндөрлөв. Онцлоход энэ жилийн дээд лигт Хөвсгөл аймгаас хоёр баг өрсөлдөж байна. Энэ нь нэг аймгаас хоёр баг оролцож байгаа лигийн онцлох тохиолдол юм.
Тэгвэл тус багууд өчигдөр хуваарийн дагуу таарч өрсөлдөв. Тоглолт гурван ээлжийн турш үргэлжилж "Хөвсгөл-Эрчим" багийн хожлоор өндөрлөсөн юм. "Хөвсгөл Шинэ үе" багийн хувьд хоёр лигонер тамирчдыг эгнээндээ нэгтгэсэн бол "Хөвсгөл-Эрчим" баг Куб улсын лигонер тамирчныг багтаа элсүүлжээ. Мөн "Хөвсгөл-Эрчим" багийн бүрэлдэхүүнд өмнө жилийн дээд лигийн ааваргын дээд байрт шалгарсан "Хобби Эйс" клубынхэн багтсан байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.