Сэлэнгийн Засаг ноён асан Ш.Оргилын "дэрвэгэр жиргэрүү"-гийн хэргийг хоёр дахиа прокурорт шилжүүллээ

Сэлэнгэ аймгийн Засаг даргаар ажиллаж байсан Ш.Оргил эрүүл мэндийн шалтгаанаар, өөрийн хүсэлтээр ажлаа өгсөн. Гэхдээ үүний цаана эрүүл мэндийн шалтгаанаас гадна өөр бас нэг шалтаг байсан нь түүнийг АТГ шалгаж эхэлсэн явдал байв.

Өмнө нь буюу өнгөрсөн дөрөвдүгээр сард бид нийслэлийн поркурорын газраас түүнд холбогдох хэргийн АТГ-т буцаасан талаар мэдээлж байв. Тодруулбал, прокуророос нэмж шалгах зүйлс байгаа гэж үзсэн юм.

Түүнийг эрх мэдэл, албан тушаалаа урвуулан ашиглаж улсын орлого болгосон дэрвэгэр жиргэрүүг найзынхаа аж ахуйн нэгжид давуу байдал олгон худалдаж, орон нутгийн төсөвт их хэмжээний хохирол учруулсан гэх үндэслэлээр яллагдагчаар татан шалгаж эхэлсэн байдаг.

Тэгвэл АТГ-аас түүнд холбогдох хэргийг дахин шалгаад, Сэлэнгэ аймгийн Засаг дарга Ш.Оргил, Баянхонгор аймгийн ИТХ-ын дарга Ц.Отгонбаяр, Засаг дарга Г.Батжаргал тэргүүтэй албан тушаалтнуудад холбогдох хэргүүдийг яллах дүгнэлт үйлдүүлэхээр НПГ-т дахин шилжүүлжээ.

Энэ мэдээнд өгөх таны үнэлгээ

Хуваалцаарай Жиргээрэй