Ш.Мөнхбаярын ээж Т.Шинэтуяа: Хагалгааны тов гараагүй, эмнэлгийн оочер хүлээж байна

"Voice Of Mongolia" шоуны шилдэг оролцогч Ш.Мөнхбаярын ээж Т.Шинэтуяа хүндээр өвджээ. Тэрбээр Дорнод аймгийн Хэрлэн сумын долоодугаар цэцэрлэгт багшаар ажилладаг юм байна.

Элэг шилжүүлэн суулгах хагалгааг Монгол улсад хийх бөгөөд 50 сая төгрөгийн өртөгтэй учир элэг нэгт ахан дүүсээсээ сэтгэлийн хандив хүсэж "Элэг бүтэн амьдрал" нэртэй хандивын аян эхлүүлээд байгаа юм. Түүний хагалгаанд хүү Ш.Мөнхбаяр донор болохоор шийдэж ийнхүү ард түмнээс тусламжийн гараа сунгахыг хүсжээ.

Бид Ш.Мөнхбаярын ээж Т.Шинэтуяатай холбогдож, хагалгааны тов болон бусад асуудлаар мэдээлэл авлаа.

Тэрбээр "Эрүүл мэндийн шалтгаанаас болоод ажлаасаа аравдугаар сарын 1-нд тодорхой хугацаанд чөлөөлөгдсөн.

Миний хувьд 2020 оны нэгдүгээр сард элэгний хатууралтай, хатуурал сүүлчийн зэрэгтээ орчихсон гэдгийг мэдсэн. Хагалгааг Монголдоо, Улсын нэгдүгээр төв эмнэлэгт хийлгэнэ. Тов нь гараагүй байгаа. Эмнэлгийн оочерт бичүүлчихсэн. Хагалгаанд орох өдөр дөхөөд ирэхээр дуудна гэсэн. Энэ хагалгаанд орохоос өмнө улаан хоолойн судас боолгох хагалгаанд орох шаардлагатай гэсэн. Тэгэхгүй бол цус алдана гэсэн. Бас оочероо хүлээж байна.

Хагалгааны зардлын тухайд эмнэлгээс тодорхой мөнгөн дүн хэлээгүй. Эгч нь ойролцоогоор 50 сая орчим болох байх гэж бодсон юм. Хагалгааны зардлаа босгох хандивын тоглолт нутагтаа зохион байгуулж магадгүй" хэмээв.

Тэдний хандивын данс

• Хаан банк: 5420070687,
• Утас:8874413, 89899616

Энэ мэдээнд өгөх таны үнэлгээ

Хуваалцаарай Жиргээрэй