Танилц: Экспорт, импортын цогц мэдээ

Гаалийн ерөнхий газраас энэ он /2022 он/-ы эхний 10 сарын байдлаарх экспорт болон импортын дүн мэдээллийг танилцууллаа.

Улсын хэмжээнд нийт 10 их наяд ам.долларын бараа, түүхий эд гаргасан нь өнгөрсөн оны мөн үетэй харьцуулахад 33 хувиар өссөн үзүүлэлт юм. Манай улс дэлхийн 65 оронд бараа экспортлосноос БНХАУ-д 84.8, Швейцарь 7.7, Сингапур 3.2 хувийг тус тус эзэлжээ. Дараах зурган мэдээлэлд гол нэрийн барааны экспортын тоо хэмжээ болон өсөлтийг харууллаа.

Чулуун нүүрсний экспортын хэмжээ нийт экспортын хамгийн их буюу 51.1 хувийг эзэлжээ. 5.1 тэрбум ам.доллар бүхий чулуун нүүрсийг экспортлосон байна. Үүний дараагаар зэсийн болон төмрийн хүдэр нийт экспортын 23.4 хувийг эзлэв. Нийт 2.34 тэрбум ам.доллартой тэнцлээ.

Боловсруулаагүй нефть нийт экспортын 1.7 хувийг эзэлж байна. Нийт 170.1 сая ам.доллар бүхий боловсруулаагүй нефьт экспортложээ.

Улсын хэмжээнд боловсруулаагүй буюу хагас боловсруулсан 817.2 сая ам.доллар бүхий 14 тонн алт экспортлов.

Энэ оны эхний арван сарын байдлаар малын мах, дайвар бүтээгдэхүүний экспорт 23 хувиар буурсан бол ямааны угаасан ноолуурын экспорт 40 хувиар өслөө.

Тэгвэл эхний 10 сарын байдлаар нийт 7.1 их наяд ам.долларын бараа, түүхий эд авжээ. Энэ нь өмнөх онтой харьцуулахад 1.5 их наяд ам.доллароор өссөн үзүүлэлт юм. Нийт 155 орноос бараа импортлосноос БНХАУ 34.7, ОХУ 30.3, Япон 8.1, БНСУ 5.0, АНУ 3.0 хувийг эзлэв.

Гол нэрийн барааны импортын хэмжээг өнгөрсөн онтой харьцуулахад хамгийн их үзүүлэлтийг жимс, сахар үзүүлжээ. Жимс, сахарны импорт өмнөх оны мөн үетэй харьцуулахад 52.7 хувиар өслөө. Харин улаанбуудайн хэмжээ хамгийн их буюу 99 хувиар буурсан үзүүлэлттэй байна.

Энэ мэдээнд өгөх таны үнэлгээ

Хуваалцаарай Жиргээрэй