ЮНЕСКО-д Монголыг төлөөлсөн Б.Батцэцэглэн ам барьж дуулах нь зөв үү

Одоогоос хоёр сарын өмнө Бүгд Найрамдах Франц Улсад “Монголын соёлын өдрүүд” цогц арга хэмжээ болж өнгөрсөн. Тус арга хэмжээний үеэр НҮБ-ын Боловсрол, Шинжлэх ухаан, Соёлын байгууллага болох ЮНЕСКО-ын тайзнаа Монголын Үндэсний урлагийн их теартын уран бүтээлчдийн “Нүүдэлчдийн домог” тоглолт болж олныг гайхшруулсан. Уран бүтээлчдийн багт уртын дуучин Б.Батцэцэглэн багтсан бөгөөд Монгол ардын биет бус өв болох уртын дууг тайзнаа эгшиглүүлсэн юм.

Тэгвэл уртын дуучин Б.Батцэцэцэглэн "Урт цагааны гудамж" нэвтрүүлэгт оролцох үеэрээ ам барьж дуулсан. Энэ нь Монгол өвийг тээж яваа дуучны гаргаж болохгүй үйлдэл, алдаа хэмээн зарим хүмүүс шүүмжлээд буй.

Энэхүү асуудалтай холбогдуулж бид түүнээс тодруулахад: "Хүнийг шүүмжилж болно. Гэхдээ утга учир, тодорхой үндэслэлтэйгээр хандах нь зүй. Жишээ нь олон улсын стандарт гэж бий. Телевизийн нэвтрүүлэгт ам барьж дуулж болно. Учир нь телевиз өөрөө стандарт дуугаралттай, мэргэжлийн техник хангадаг газар биш. Энэ газарт яаж ч сайн дуулсан үзэгчдэд мэргэжлийн дуугаралтын түвшинд хүрэхгүй. Тиймээс мэргэжлээ авч гарах, олонд муухай харагдуулахгүйн тулд ам барих тохиолдол гарна. Жишээ нь гадаа хэт чимээтэй орчин эсвэл хөгжмөө сонсох боломжгүй ийм үеүдэд ч гэдэг юм уу.

Нөгөө талаас, би ямар ч дууг түүртэхгүй дуулж чадна. Манай ардын, уртын дууны салбарынхан бүгд л ийм. Учир нь үүнд онцлог бий. Хязгаарт баригдахгүй, хайрцаглагдахгүй, ямар нэгэн өнгөнд хүрэх гэж захирагдаж дуулдаггүй. Мөн чанар нь энэ л дээ. Европын ч юм уу бусад дууны урлагийнхан бол өөр" гэв.

Энэ мэдээнд өгөх таны үнэлгээ

Хуваалцаарай Жиргээрэй