“Гадаад, дотоодын чадварлаг хүн хараахан байгаагүй тул С.Наранцогтыг томилсон”

Хуваарь ёсоор өнөөдөр /2022.11.30/ Засгийн газар ээлжит хуралдаанаа хийлээ Дарханы төмөрлөг үйлдвэрийн

ЗГЭХГ ын дарга ДАмарбаясгалан дараах мэдээлэл өглөө.

Тэрбээр “Өнөөдрийн хуралдаанаар нийт 31 асуудал хэлэлцлээ. Олон жил эмх цэгцэнд ороогүй асуудлуудыг Засгийн газрын хуралдаанаар оруулж шийдвэрлэж байхаар боллоо. Засгийн газрын дундаж наслалт 1.6 жил буюу тогтворгүй байдгаас олон хүндрэл бэрхшээл гарч ирсэн. Тиймээс олон чухал асуудлууд барьж авч шийдвэрлэж чаддаггүй байсан. Л.Оюун-Эрдэнийн Засгийн газар томоохон хүндрэл бэрхшээл дагуулаад байгаа асуудлуудыг барьж авч шийдвэрлхэд оршиж байгаа.

Үндэсний баялгийн сангийн нэгдэл болох “Эрдэнэс Монгол” нэгдлийг дотоодод өөрчлөлт оруулахаар шийдвэрлэлээ. Үндэсний баялгийн сангийн нэгдэл уул уурхайн компаниудын орлогыг төвлөрүүлдэг Энэ компанийг нэгдсэн дөрвөн группийг бий болгож ажиллана.

• Нэгдүгээрт, нүүрсний
• хоёрдугаарт, зэсийн
• гуравдугаарт, ховор металь буюу газрын ховор элементийн
• дөрөвдүгээрт, дэд бүтцийн групп

гэсэн чиглэлээр ажиллуулахаар болсон. Төрийн өмчит үйлдвэрийн нийт 34 ААН харъяалагдаж ажиллана. Эдгээр төрийн өмчит үйлдвэрийн газруудын ашигт үйл ажиллагаа хангалтгүй ажиллаж эхэлсэн. Тухайлбал, “Монголросцветмет”, “Эрдэнэс тавантолгой” зэрэг ААН-үүд бий.

Мөн “Эрдэнэс Монгол” групп гаднаа хөрөнгө оруулагчдыг татаж үйл ажиллагаагаа жигдрүүлнэ. Энэ онд 15 жилийн хугацаа өнгөрч байна. Энэ хугацаанд тайлан баланс нэг ч удаа ашигтай гарч байгаагүй. Энэ онд ашигтай балансыг гаргах боломжтой цаг үе дээр ирсэн.

Мөн өнөөдрийн Засгийн газрын хуралдаанаар “Эрдэнэт үйлдвэр” ТӨҮГ, Монголросцветмет компаниудын дүрэмд өөрчлөлт оруулсан. Эдгээр компаниуд ТӨБЗГ 100 хувь харъяалагдаж явж байна. Дүрэмд өөрчлөлт оруулснаар менежментийг нь “Эрдэнэс Монгол” хийж явна. Ингэснээр бодлого нь Эрднэс Монгол дээр төвлөрч явна.

Түүнчлэн, “Дарханы төмөрлөгийн үйлдвэр”-ийг Эрдэнэс Монгол нэгдлийн харъяанд шилжүүлэх дүрмийн өөрчлөлт хийгдлээ.

Ингээд “Эрдэнэс Монгол” нэгдлийг улстөрийн туршлагатай, олон улсын түвшинд харилцаа үүсгэх чадвартай хүнийг томилж, удирдуулах шийдвэрийг гаргасан. Өмнө нь Гүйцэтгэх захирлыг гадаад дотоодын иргэдийн дундаас сонгон шалгаруулна гэдэг чиглэлийг Засгийн газраас өгч байсан. Гэвч хэд хэдэн түвшинд түвшинд судалгаа хийж үзээд гадаад дотоодын ур чадвартай хүмүүс орж ажиллах боломж хараахан бүрдээгүй байна гэж үзсэн. Нэгдүгээрт, Баялгийн сангийн тухай хуулийг маш тодорхой болгож батлах ёстой юм байна. Хоёрдугаарт, Эрдэнэс Монгол нэгдэл компанийн хуульд нийцэх бүрэн төгөлдөр дүрэмтэй болох шаардлага байна. Үүний дараа бид гадаадын хөрөнгө оруулагч компаниас зөвлөх үйлчилгээг авч, ажиллах нөхцөл нь бүрдэх юм байна. Гүйцэтгэх Захирлаар Эдийн Засгийн хөгжлийн дэд сайдаар ажиллаж байсан С.Наранцогтыг томилсон.

Дэд сайдын албан тушаалаас бүрмөсөн чөлөөлөгдсөн.

Энэ мэдээнд өгөх таны үнэлгээ

Хуваалцаарай Жиргээрэй