ЦЕГ: Сэтгүүлчийг баривчлах ажиллагаа зохион байгуулаагүй
Өнгөрсөн баасан гараг буюу арванхоёрдугаар сарын 2-ны өдөр Улсын мөрдөн байцаах газрын мөрдөгчид Зиндаа.мн сайтын редакц руу хууль бусаар нэвтэрсэн тухай мэдээлэл гарсан. Тухайн асуудлаар Цагдаагийн ерөнхий газраас мэдээлэл өглөө.
Цагдаагийн ерөнхий газраас: "Зиндаа.мн сайт Хүний амиар үнэлэгдэх шүүх эрх мэдэл" гарчигтай нийтлэлийг бичсэний дараа буюу энэ оны арав дугаар сарын 24-ний өдөр сэтгүүлч Б.Г Шүүхийн ерөнхий зөвлөлөөс “Шүүхийн ажил хэргийн нэр төрд халдсан тухай гомдол”-ыг цагдаагийн байгууллагад гаргасан.
Цагдаагийн байгууллага хуулиар хүлээсэн чиг үүргийнхээ хүрээнд тухайн нийтлэлийг бичсэн сэтгүүлч Б.Г-ээс тайлбар авахаар хандаад ирээгүй тул тухайн өдөр Прокурорын дуудах хуудсыг хүлээлгэн өгөхөөр очсон бөгөөд ямар нэгэн баривчлах ажиллагааг зохион байгуулаагүй болно" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.