Хөвсгөл аймгийн Хатгал тосгон, Хөвсгөл нуурын эрэг дээр уламжлалт мөсний баяр болж байна. Жилээс жилд олны анхаарлыг татаж дотоод, гадаадын жуулчдын анхаарлыг татах болсон мөсний баярыг энэ удаад 30 мянган хүмүүс үзэж сонирхох тооцоолол гарсан.
Мөсний баяртай холбогдуулан орон нутгийн хэвлэл мэдээллийн хэрэгсэл, олон нийтийн сүлжээгээр далайн мөс хиллэж, автомашин явах боломжгүй болсон талаар сэрэмжлүүлж байна.
Тодруулбал, Ханх сумаас далай руу ирэх замд олон хил гарсан байна. Тиймээс иргэдийг нуурынхаа араар зорчихыг уриалж байгаа юм. Мөс их хэмжээгээр хиллэсэн зүгээс орон нутгийн наадамчид болон ОХУ-ын жуулчид ирэх зам юм. Дээрээс нь мөсний баярыг зорьж очсон иргэд газар үзэх, сонирхох байдлаар мөсөн дээгүүр зорчдог тул байнга сэрэмжлүүлсээр байна.
Б.БАЯРТ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.