“Norpei” арт галерей хаврыг угтан уран бүтээлчдийн хамтарсан “Inspiring march” үзэсгэлэнг нээлээ. Хүйтэн өвлийн давж, их хотод хаврын урь орж, гудамжаар алхах хүмүүсийн алхаа хөнгөн ч, гуравдугаар сар баяр жаргал дагуулан эхэлж байна. Гадаа нартай ч өглөө, үдшийн хүйтэн салхи сэвэлзсэн яг энэ үед манай залуу уран бүтээлчдийн сэтгэл сэргэм бүтээлүүдээр шинэ үзэсгэлэн дэглэсэн нь энэ аж.
Үзэсгэлэнд ирж буй цагийн жавхааг илэрхийлэх нийт 15 уран бүтээлчийн 30-аад бүтээлийг толилуулж байна. Тухайлбал, уран зураг, уран баримал, график зураг, усан будгийн зураг, хивс, хүүхэлдэйн баримал гэх мэт олон төрлийн бүтээлүүдийг дэлгэжээ. “Inspiring march” уран бүтээлийн үзэсгэлэн энэ сарыг дуустал үргэлжилнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.