Танд хэрэгтэй

АНУ-ын мэдрэлийн эмч нарын баг ирж, оношилгоо, хагалгаа хийж байна

Улсын III төв эмнэлэг АНУ-ын “ВИРТУ” Сантай 2014 оноос хойш тасралтгүй хамтран ажиллаж байгаа бөгөөд энэхүү хамтын ажиллагааны гэрээний хүрээнд 2023 оны 5 сарын 14-28-ны өдрүүдэд тус сангийн шугамаар АНУ-ын Гэгээн Барнабасын Гэмтлийн төв эмнэлгийн мэдрэлийн мэс заслын тасгийн эрхлэгч мэдрэлийн мэс засалч Реза Яссари тэргүүтэй тархи нуруу нугасны мэс заслын зочин профессорын баг ирж ажиллаж байна.

Америкийн зочин профессорын баг дээрх хугацаанд зайлшгүй гадаад улсад эмчлүүлэх шаардлагатай байгаа 30 гаруй эмчлүүлэгчид нарийвчилсан үзлэг оношилгоо хийж, эпилепсийн эмгэг голомт авах зэрэг тархи, нурууны мэдрэлийн мэс заслын тусламж үйлчилгээг тус эмнэлгийн мэдрэлийн мэс заслын багтай хамтран хийж эхлүүлээд байна.

Мөн хамтарсан ажлын байрны болон танхим хосолсон сургалтуудыг зохион байгуулж тус эмнэлгийн мэдрэл, мэдрэлийн мэс заслын тусламж үйлчилгээний чадавхийг сайжруулан бэхжүүлэхэд мэргэжил арга зүйн зөвлөгөө өгч хамтран ажиллаж байна.
Энэ удаагийн зочин профессорын багт Эпилепсийн эмгэгийн үеийн сэтгэл зүйч эмч хамт ирсэн бөгөөд эпилепсийн эмчилгээ хийлгэж буй эмчлүүлэгч, тэдгээрийн ар гэрийн хүмүүст сэтгэл зүйн тусламж үзүүлэхэд эмч мэргэжилтнүүдийг чадавхжуулах юм.

Б.БАЯРТ

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
1 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2023-05-18 00:14

Үзүүлэх боломж олдох болов уу

Холбоотой мэдээ

Back to top button