Г.Ган-Очир: Намайг хар тамхичдын өрөөнд дөрвөн сар хорьсон

Франц улсад гэр бүлийн хүчирхийллийн хэргээр хорих ял эдэлж буй иргэн Г.Ган-Очир монголд амьдарч буй өөрийн хүмүүсээрээ дамжуулан утсаар мэдээлэл өглөө.

Тэрбээр “Дөрвөн утас дамжуулж ярьж байгаа. Аль болох дуу хоолойгоо тод хүргэмээр байна. Хүрэлцэн ирсэн хүмүүстээ баярлалаа. Намайг Г.Ган-Очир гэдэг. Хар машины булхайн эсрэг хоёр гурван жил тэмцэж байна. Авлигын асуудлууд монголд шийдэгдэхгүй байгаа учраас монгол улсаас гараад олон улсын хууль зүйн байгууллагуудыг зорьсон.

Францад ирээд эх орныхоо төлөө тэмцэж явтал буруу хүнд итгэж, одоо шоронд орчихсон байна. Францын шоронд утга учиргүй хэргээр гүтгэж хилсээр намайг хийсэн. Франц улсын цагдаад худал мэдээлэл өгснөөр  2022 оны 12-р сарын 26-нд орсон. Дөрвөн шүүх хурал дамжиж байна. Долоо хоногийн дараа Монголоос Г.Ган-Очирыг яаралтай авмаар байна гэж хүсэлт тавьсан байсан. Гэсэн ч Франц улсаас өгөхгүй гэж татгалзсан.

Эхлээд Ариунтуяа намайг хүчирхийлдэг, зоддог, удаа дараа зодсон гэж хуурамч нотлох баримт, өөрийнхөө согтуу бичлэг, авсан шарх сорвио авч цагдаад өгсөн. Дээр нь намайг Монгол улсад байхдаа шатааж алах гэж оролдсон гэж худал мэдээлэл өгсөн. Монгол улсад байхдаа цагдааг эсэргүүцэж байсан, цагдаа зодсон гэх мэт хүн итгэхийн аргагүй хэргүүдээр гүтгэсэн байсан. Дүгнэлтээр хуурамч мэдүүлэг гэсэн тул Ариунтуяагийн хэргүүдийг шүүх дээр татгалзаж эхэлсэн. Тэгсэн чинь Ариунтуяа Ган-Очир хоёр хүүхдээ байнга хүчирхийлдэг зоддог, хүү нь хоёр настай байхад дээрээс нь халуун ус асгаж байсан гэж гүтгэж байсан.

-Миний хүүгийн дээрээс Ариунтуяагийн ээж буцалсан ус хийсэн-

Миний хүү түлэгдэж байсан нь бол үнэн. 2006 онд TV5-д ажиллаж байхад миний хүү түлэгдэж байсан. Ариунтуяагийн ээж миний хүүгийн дээрээс буцалсан ус хийсэн. Үүнийг бол гэмтлийн цагдаа, тухайн үеийн гэмтлийн эмч мэднэ. Миний хүү 70 хувийн түлэгдэлттэй, арван дөрвөн хоног сэхээнд байсан. Намайг хилс хэргээр гүтгэж байна. Отгонбаяр, Энхжаргал хоёр бас намайг гүтгэсэн. Жишээ нь, Цэрэн эгчийг гүтгээд энд бас орогнол хүсээд явж байгаа. Содбаясгалан гээд хүүхэн Унгар улсын элчин сайд Баатаржав гээд хүн бий. Цагдаагийн ерөнхий газрын дарга байсан. Баатаржавыг Унгар улсын элчин сайдын яаман дээр хүчирхийлж байсан. Баатаржав энэний дараа тайлбар мэдүүлэг өгөх байх. Намайг олон улсын байгууллагад монгол улсын талаар гомдол мэдүүлэг өгөөгүй гэсэн. Би бол олон газар, элчингүүдэд өгч байсан. Нидерландын шүүх рүү анхны шатны материал шалгах хэлэлцүүлгийг  6-р сарын 26-нд өгнө гэж байсан. Одоо би шоронд байгаа учраас би эхнэр Ариунтуяаг өгөөч гэсэн. Надад одоо болтол өгөхгүй байгаа. Миний хувийн нүүр ном дээр ил тавьсан нотлох баримтуудыг бүгдийг нь устгачихсан байсан.

-Миний нотлох баримтууд ард түмний өмч юм шүү-

Миний нотлох баримтууд ард түмний өмч юм шүү. Сэтгэл мэдрэлийн өвчтэй гэж тараасан байсан. 2022 онд 12-р сарын 28-нд орж ирэхэд надаас хар тамхи татдаг уу гэж асуусан. Би хар тамхи татдаггүй гэж хэлсэн. Гэтэл намайг хар тамхичдын өрөөнд оруулж, дөрвөн сар хорьсон. Францчууд хүний эрх ярьдаг улс хэрнээ өөрсдөө энд араб, олон улсын хүмүүсийг хар тамхиар хордуулдаг. Дөрвөн сарын дараа эмнэлэгт үзүүлтэл тархинд өөрчлөлт орсон байна гэсэн. Одоо бол өрөөгөө сольчихсон, эмчилгээ хийлгэж байгаа. Одоо өдөр болгон  толгой дүүрч өвддөг болчихсон. Нүүрсний нотлох баримтууд надад байгаа. Би шоронгоос хэзээ гарахаа мэдэхгүй байгаа. Хууль зүйн сайд Х.Нямбаатар мэдэж байгаа. Намайг 6-р сарын 25-нд гаргана гэсэн. Францчууд мэдэхгүй байна, танай улсаас хариу ирээгүй байгаа гэж хэлсэн” гэлээ.

Г.Ган-Очир дараа нь сэтгүүлчдийн асуултад хариуллаа.

Тодруулбал, Надад өдөр болгон эм өгч байгаа. Маш хортой эм учраас би уухгүй байгаа, тариаг бол хүчээр, барьж байгаад хийсэн. Хар тамхитай тариа байсан. Шинжилгээ өгөнгүүт хар тамхи надаас шууд илэрсэн. Эмийг нь уухгүй, нуугаад байгаа. Эмийг нь ууж байгаа юм шиг жүжиглэж байгаа. Эм тариаг бүх л хүмүүст өгдөг юм байна. Араб иргэд, халдлага хийдэг хүмүүсийг энд хорьдог. Бүх л орны иргэд байгаа. Олон улсын шорон болохоор дандаа гадны иргэд байдаг.  Ихэнх нь эм уусаар байгаад мэдрэлгүй, зомби шиг болчихсон. Би та нар хүн дээр ингэж туршилт хийж болохгүй гэж хэлсэн.” гэв.

Тэрбээр төгсгөлд нь “Би гарч ирээд эх орондоо очмоор байгаа. Нэр төрөө сэргээж, хулгайч нартай тэмцмээр байна. Хүний нутгийн чулуу хүртэл хатуу гэдэг гэж хэлсэн юм.

Энэ мэдээнд өгөх таны үнэлгээ

Хуваалцаарай Жиргээрэй