Г.Дамдиннямын саналаар Боловсролын ерөнхий хуулийг 7-рт хэлэлцэхээр болов

Хураарь ёсоор долоо хоног бүрийн пүрэв, баасан гарагт УИХ-ын чуулганы нэгдсэн хуралдаан болдог. Энэ дагуу өнөөдрийн /2023.06.22/ УИХ-ын чуулганы хуралдаан эхэллээ.

Хуралдааны эхэнд УИХ-ын гишүүн Г.Дамдинням гишүүн Боловсролын ерөнхий хуулийг хэлэлцэх асуудлын долдугаарт оруулах горимын саналыг гаргалаа.

Энэ тухай тэрбээр "УИХ-ын даргын дэргэдэх зөвлөлөөр УИХ-ын чуулганы хуралдаанаар хэлэлцэх асуудлын дарааллыг батлахдаа Боловсролын ерөнхий хуулийг долоодугаарт хэлэлцэхээр оруулсан байсан. Гэтэл өнөөдөр уг хуулийн төслийг 16-д хэлэлцэхээр оруулжээ. Логиктой байх байх ёстой. Эхлээд Боловсролын ерөнхий хууль батлагдаж байж, ЕБС хууль батлагдах учиртай. Энэ хууль нэлээн зовлонтой урагшилж байгаа. Том ч хууль. 2021 онд өргөн баригдсан. Хоёр жил үргэлжилж байна. МАн-ын бүлгээр хоёр ч удаа ороод дэмжигдсэн. Одоо зарчмын зөрүүтэй есөн санал үлдчихсэн. Хэдхэн минутын л ажил. Боловсролын ерөнхий хуулийг болж өгвөл хамгийн эхлээд, болохгүй бол долоодугаар байранд нь оруулж өгөөч гэсэн горимын санал гаргаж байна" гэв.

Санал хураалт явуулахад УИХ-ын чуулганы хуралдаанд оролцож байгаа 40 гишүүнээс 24 нь буюу 60 хувь нь зөвшөөрч, 16 нь татгалзсан юм.

Татгалзсан санал өгсөн гишүүд:

1. Ш.Адьшаа
2. П.Анужин
3. Ж.Батжаргал
4. Э.Батшугар
5. Х.Булгантуяа
6. Ц.Даваасүрэн
7. Б.Дэлгэрсайхан
8. Л.Мөнхбаатар
9. Ц.Мөнх-Оргил
10. Г.Мөнхцэцэг
11. Х.Нямбаатар
12. С.Одонтуяа
13. Тогтохсүрэн
14. О.Цогтгэрэл
15. Н.Ганибал
16. Ж.Батсуурь

Энэ мэдээнд өгөх таны үнэлгээ

Хуваалцаарай Жиргээрэй