Процесс: Гэм буруутай эсэхийг зарлаж, УЕП бүрэн эрхийг түдгэлзүүлэх санал гаргана

Хөгжлийн банк"-ны гэх 80 хүн дөрвөн хуулийн этгээдэд холбогдох эрүүгийн хэргийн гэм буруугийн шүүх хуралдаан 46 хоног болж, зургааадугаар сарын 21-нд дууссан билээ.

Дөрөвдүгээр сарын 17-ноос эхэлсэн эл шүүх хуралдаан хоёр сар дөрвөн хоногийн дараа дууссан нь энэ.

Шүүгч 80 хүн дөрвөн хуулийн этгээдэд холбогдох эрүүгийн хэргийн гэм буруугийн дүгнэлт шийдвэрийг өнөөдөр /2023.06.26/ 14.00 цагт танилцуулна.

Хуралдааны төгсгөлд иргэдийн төлөөлөгчид Н.Алтанхуяг, Б.Санжмятав тэргүүтэй дараах шүүгдэгч нарыг гэм буруугүйд тооцох санал гаргасан.

Хөгжлийн банкны зээлийн мэргэжилтнүүд болох

• Л.Аззаяа
• Ц.Билгүүн
• Д.Уянга
• Т.Оюунчимэг
• Б.Чинзориг
• Ч.Чоожсүрэн
• С.Батзориг
• А.Хүчитбаатар
• Г.Гантогтох
• Т.Пүрэвсүрэн

ТУЗ-ийн гишүүн

• Д.Батбаяр
• Ж.Үхэртар
• Ж.Бат-Эрдэнэ
• Б.Махбал
• Ж.Оюунчимэг
• С.Магнайсүрэн
• Ч.Отгочулуу
• Ч.Нэргүй
• М.Баянмөнх
• Б.Найдалаа
• Б.Лхагвасүрэн
• Б.Батзаяа
• Н.Баярчимэг
• О.Хуягцогт
• Д.Даваасамбуу

Худал мэдүүлэг өгсөн гэх

• Ё.Доржсумъяа
• Б.Цэрэндаваа
• Б.Баттөр
• Б.Цэгмид
• Б.Санжмятав
• Н.Алтанхуяг 

Харин дөрвөн гишүүний тухайд дараах зүйл захдтаар яллаад байгаа билээ.

УИХ-ын гишүүн Н.Алтанхуягийг:

Эрүүгийн хуулийн 22.1.3-д зааснаар эрх мэдэл албан тушаалын байдлаа урвуулан ашиглах заалтаар яллагдагчаар татсан.

Нийтийн албанд ажиллах эрхийг бүх насаар нь хасаж, 5-12 жилээр хорих ялаар шийтгэх заалттай.

УИХ-ын гишүүн Г.Амартүвшинг:

Эрүүгийн хуулийн ерөнхий ангийн 3.1.1 дэх хэсэг, 3.2.1 дэх хэсэг, 3.3.1 дэх хэсэгт заасныг тус тус журамлан, мөн хуулийн тусгай ангийн 22.1.2 дахь хэсэгт зааснаар яллагдагчаар татсан. 

Нийтийн албанд ажиллах эрхийг 2-8 жил хүртэл хугацаагаар хасаж, 2-8 жил хүртэл хугацаагаар хорих ял шийтгэх заалттай.

УИХ-ын гишүүн Х.Ганхуягийг: 

Эрүүгийн хуулийн ерөнхий ангийн 2.2.3, 3.2.1,3 мөн тусгай ангийн 22.1.2 дахь хэсэгт зааснаар яллагдагчаар татсан.

Нийтийн албанд ажиллах эрхийг 2-8 жил хүртэл хугацаагаар хасаж, 2-8 жил хүртэл хугацаагаар хорих ял шийтгэх заалттай.

УИХ-ын гишүүн Ё.Баатарбилэгийг:

Эрүүгийн хуулийн 22.4.2 болон 22.10.2 гэсэн зүйд ангиудаар ялласан.

22.4.2 нийтийн албан тушаалтан хахууль авах: Нийтийн албанд ажиллах эрхийг таван жилээс найман жил хүртэл хугацаагаар хасаж 5-12 жил хүртэл хугацаагаар хорих.

22.10.2 үндэслэлгүйгээр хөрөнгөжих: үндэслэлгүйгээр нэмэгдсэн хөрөнгө, орлогыг хурааж нийтийн албанд ажиллах эрхийг бүх насаар хасаж 2-8 жил хүртэл хугацаагаар зорчих эрхийг хязгаарлах, эсхүл 2-8 жил хүртэл хугацаагаар хорих ял шийтгэх заалттай.

Тэдний тухайд шүүхээс гэм буруутай гэж зарлагдсан тохиолдолд УЕП УИХ-ын гишүүний бүрэн эрхээс нь түдгэлзүүлэх саналыг УИХ-д оруулж ирэх процесс өрнөх юм.

Бидний өмнө нь хүргэсэн Н.Алтанхуяг, Ё.Баатарбилэг нарыг 5-12, Г.Амартүвшин Х.Ганхуяг нарыг 2-8 жил хорих зүйл ангиар яллажээ нийтлэлийг ЭНД дарж уншина уу

Өөрийн сэтгэгдлээ илэрхийл

Share Tweet