Ерөнхий сайд Л.Оюун-Эрдэнийн энэ даваа гарагаас эхэлсэн БНХАУ дахь айлчлал үргэлжилж байна.
Айлчлалын хүрээнд ЗТХ-ийн сайд С.Бямбацогтын илэрхийлсэн байр суурийг хүргэе.
Тэрбээр "Ажил хэрэгч, үр дүнтэй айлчлал болж байна. 2009 оноос гацсан Тяньжин боомтын асуудлыг шийдвэрлэхээр тохирлоо. Ойрын үед Засгийн газар шийдвэр гаргана. Мөн Гашуунсухайт-Ганцмод боомтынх хил холболтын төмөр замыг барьж байгуулахаар "Чайна энержи" компанитай ярилцлаа.
Дараа нь хоёр улсын экспортын уул уурхайн бус бүтээгдэхүүнийг дэмжих агуулгыг чухалчиллаа. Манай салбарын тухайд гэвэл хоёр улсын хооронд авто тээврийн хэлэлцээр байгууллаа. Сүүлийн үед авто тээвэр эрчимтэй хөгжиж байгаа. Хуучин ганц Алтанбулаг-Улаанбаатар-Замын үүд гэсэн ганц коридортой байсан бол одоо Ази-Европыг холбосон хоёр дахь коридор бий болсон. Транзит тээвэр маш сайн явж байгаа.
Энэ тээвэрт монгол компаниуд оролцох, цаашлаад БНХАУ-аар дамжаад Төв Азийн орнууд руу мах экспортолж, эргээд жимс жимсгэнэ импортлох боломж бий болж байна. Өмнө нь Казахстан руу зөвхөн ОХУ-аар дамжуулж тээвэр хийдэг, үүнд хүндрэлтэй тал их байсан. Одоо БНХАУ-аар дамждаг болсноор тээвэр илүү богино, хурдан болж байна" гэлээ.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ulaanbaatar-beejin chigleliin suuliin galt teregee hurdan yavuulj ehelmeer bn shuu.....