Г.Дугаржав ажилчдынхаа цалинг өгөх чадваргүйд хүрч “Эрдэнэт үйлдвэр”-ээс гуйж байгаа юу

“Төрхөмдөө буцсан” Дарханы төмөрлөгийн үйлдвэрт дарга тогтдоггүй байсан бол одоо таагүй мэдээлэл сонсогдоод салахаа байв. Төрд очсон цагаасаа хойш “үйл ажиллагаа нь зогссон, доголдсон” гэгдэх нь энүүхэнд болсон. Энэ удаад ч бас ялгаагүй цахим орчинд ийм мэдээлэл тархсан юм.

Бүр тодруулбал,

• ажилчдынхаа өнгөрсөн сарын цалинг одоог болтол өгөөгүй байна.
• Үйлдвэрт их засвар хийж байгаа нэрийдлээр зогсоосон,
• Үйлдвэр, Уурхай нийтээрээ Түлшгүй болсон. Учир нь, Петрохаан компани түлш олгохгүй хамаг үйл ажиллагаагаа зогсоосон.
• Одоогийн ажилчдын хоолны катеринг үйлчилгээг үзүүлж буй “Дархан зочид буудал”-д мөн мөнгөө өгч чадахгүйгээс үйлчилгээгээ зогсооход хүрсэн байдалтай байна.

одоогоор ийм асуудлууд үүссэн гэх мэдээлэл дуулдав.

-Өнгөрсөн гурван сарын цалингаа “Эрдэнэт үйлдвэр”-ээс гуйж тавьсан байж болзошгүй-

Нэгдүгээрт: Цалингаа тавьж чадахгүйд хүрэв үү

Энэ тухай эх сурвалжуудаас тодруулахад “Өнгөрсөн сарын цалингаа авч чадаагүй нь үнэн” гэдэг мэдээлэл өглөө.

Харин удирдлагууд нь “амралтын өдөр таарсан тул олголт хийгдээгүй” гэдэг хариултыг цалингаа сурагласан ажилчдадаа өгч буй сурагтай

Гэвч даваа, мягмар /2023.08.07, 08/ гэхчлэн хоёр ажлын өдөр өнгөрчхөөд байгаа нөхцөл байдалтай байна.

Мөн бидэнд олдсон нэмэлт мэдээллээр эл байгууллага өнгөрсөн гурван сарын цалингаа Уулын баяжуулах “Эрдэнэс үйлдвэр”-ээс гуйж тавьсан гэдэг ноцтой зүйл дуулдав. Энэ удаагийн цалингаа ч мөн гуйж байж болзошгүй аж.

"Дарханы төмөрлөгийн үйлдвэр" нь "Эрдэнэт үйлдвэр"-т ган бөмбөлгийн бэлдэц нийлүүлдэг. Үүний өр авалга байсан эсэх нь тодорхойгүй. Ямартай Г.Дугаржав дарга ажилчдынхаа цалинг тавьж чадахгүйд хүрч “Эрдэнэт үйлдвэр”-ээс бадарчилж суугаа юу гэдэг асуудал анхаарал татах юм.

-Засвар хийх нэрийдлээр дахин сул зогсолт хийсээр-

Хоёрдугаарт: Наймдугаар сарын 01-нээс сул зогсолт нэрийдлээр дахин сул зогсолт хийжээ

Тус үйлдвэр дотроо хоёр баяжуулах үйлдвэртэй. Нэгийг нь зургаадугаар сарын 01-нд зогсоожээ. Нөгөөхийг нь аравдугаар сарын 01-нээс зогсоохоор төлөвлөж буй аж.

Долдугаар сарын ихэнх хугацаанд уурхайн ажилчдаа амраагаад долдугаар сарын 19-нээс ажиллуулж эхэлжээ. 19-нийг хүртэл зогсоосон шалтгаан нь түлш байхгүй гэдэг асуудал аж. Учир нь нийлүүлэгч компанидаа төлбөрөө өгөөгөөгүйгээс нийлүүлэлтээ тийн хэсэг хугацаанд зогсоосон гэгдэж буй юм.

Улмаар наймдугаар сарын 01-нээс засвар хийх шалтгаанаар дахин зогсоосон байна. “Сэлбэг, техникийн томоохон засвар хийгдэнэ” гэсэн ч барилгын доторх жижиг сажиг засвар хийж буй сурагтай.

Өөрийн сэтгэгдлээ илэрхийл

Share Tweet